Саяхатшылар Шымбайда

 

Саяхатшылар Шымбайда

 

Өзбекстан Республикасы Туризмди раўажландырыў бойынша мәмлекетлик комитети тәрепинен ғалаба хабар қуралларының ўәкиллери ушын Қарақалпақстан Республикасы ҳәм Хорезм ўәлаятына инфо-тур шөлкемлестирилди.

Инфо-тур қатнасыўшылары 14-март күни Шымбай районында мийманда болды. Оларды кең жәмийетшилик ўәкиллери күтип алды. Мийманлар дәслеп халқымыздың сүйикли перзентлери XIX-әсир қарақалпақ әдебиятының уллы тулғалары Күнхожа Ибрайым улы, Бердақ Ғарғабай улы ҳәм Ақымбет бақсының қәбирлерин зыяратлады ҳәм бул жерде жайласқан мовзелейин тамашалады.

Саяхатшылар Шымбайда

 

Соңынан мийманлар өнерментлердиң қара үй соғыў процессин, яғный, ағаштың қабығын қыршыў, жоныў, кесиў, ший тоқыў сыяқлы оның питемен дегенше исленетуғын жумысларын көзден өткерди. Буннан кейин район орайында жайласқан «жаслар гүзары»нда болып, өнерментшиликтиң барлық түрин тамашалады. Атап айтқанда, ата-бабаларымыздан бизге мийрас болып киятырған дигирман, кели-келсап, зергерлик ҳәм мүсиншилик буйымлары, қурақ көрпешелер, қолдан исленген өнимлер менен биргеликте миллий тағамлар жайылып, келген мийманларда үлкен тәсир қалдырды.

Саяхатшылар Шымбайда

 

Саяхатшылар Шымбайда

 

Сондай-ақ, илаж даўамында районлық мәденият хызметкерлери тәрепинен шөлкемлестирилген концерт бағдарламасы қойып берилди. Соңынан келген мийманлар «Өмирбек лаққы»ның естелигин барып көрди.

Саяхатшылар Шымбайда

 

 

Мийманға келген саяхатшылардан Америкалы художник Джеролд Шепард Өзбекстанға бир нешше мәртебе келгенлигин соның ишинде Қарақалпақстанға биринши рет келгенлиги ҳаққында, бул жердеги миллий өнерментшиликти көрип үлкен тәсирлер алғанын, сондай-ақ, Андижанлы саяхат агентлигинен келген тур-оператор Зилола Ашуралиевна өзиниң алған тәсирлери ҳаққында толқынланып айтып берди.

 

Саёра ДАЎЫТОВА,

журналист.   

Дерек: shimbay.rk.uz

скачать dle 10.6фильмы бесплатно



  • 15-03-2019, 10:55 |
  • 1 427