Өзбекстанда шет елли ўатанласлар ушын 5 жыллық виза енгизиледи

Өзбекстандағы жуўаплы мәкемелерге 2018-жыл 1-октябрьға шекем болған мүддетте шет елли пуқаралардың түрли тайпаларына қосымша виза тәртиплерин енгизиў бойынша усыныс киритиў ўазыйпасы жүкленди. Бул Президенттиң «Өзбекстан Республикасына шет елли пуқаралардың кириў тәртибин оптималластырыўға байланыслы қосымша ис-илажлар ҳаққында»ғы қарарында нәзерде тутылған.

Бул виза тәртиплери төмендегилерден ибарат болыўы белгиленген:

Silk road – Жипек жолы мәмлекетлери бойлап саяҳат етип атырған туристлер ушын басқа мәмлекетлер виза белгилерин тән алыў имканияты менен;

«Ватандош» – келип шығыўы Өзбекстаннан болғанлар ҳәм олардың шаңарақ ағзаларына 5 жыллық виза;

Golden visa  – ири шет елли инвесторлар ушын 10 жыллық виза.

Сыртқы ислер министрлиги ҳәм Туризмди раўажландырыў мәмлекетлик комитетине сырт ел пуқаралары ушын визасыз кириў тәртибин енгизиў нәтийжесине бола 2019-жыл 1-мартқа шекем болған мүддетте пуқаралары Өзбекстаннан транзит арқалы өтетуғын, ўақтынша болатуғын ҳәм шығып кететуғын мәмлекетлер дизимин кеңейтиў бойынша усыныс киритиў тапсырылды.

Бул қарар менен ҳәзирше Өзбекстанда 101 мәмлекет пуқаралары 5 күнге шекем визасыз қалыўы мүмкин екени белгиленген.

 

Аўдарма: makan.uz

 

скачать dle 10.6фильмы бесплатно



  • 6-07-2018, 13:40 |
  • 181