Өзбекистан ең қызық туристлик жөнелислери дизиминде 2-орында ийеледи

Өзбекистан ең қызық туристлик жөнелислери дизиминде 2-орында ийеледи

Жәҳән туристлик санааты жеткешилери Financial Times басылымына 2017-жылда туристлерге қызығыўшылық оятыушы ең әҳмийетли жөнелислер ҳаққында мағлыўмат таярлап берди. Өзбекистан бул дизимде Непалдан кейин екинши орынды ийеледи, деп хабар берди kun.uz.
Бул дизимде Кения, Финляндия, Андаман араллары, Уллы Британия, Мадагаскар, Камбожа ҳәм Жаңа Зеландия да орын алған.
Басылымның берген мағлыўматына қарағанда, Өзбекистан Жипек жолы бойлап узақ мүддетли саяхатларды әмелге асыра алмайтуғынлар ушын колайлы орын. Мәмлекет бул бағдардағы барлық тәреплерди өзине жәмлеген: Хийўа, Бухара ҳәм Самарқанд қалаларында мешитлер, мақбаралар минарлар бар. Қәнийгелердиң есабына бола, Президентимиздиң туристлик тараўды еле де раўажландырыў шаралары ҳаққындағы пәрманына тийкар мәмлекетке келетуғын туристлер саны кескин көбейеди. Еслетип өтемиз, Өзбекистанда 2017-жылдың 1-апрелинен баслап жаңа тәртип күшке киреди. Оған муўапық дүньяның 15 мәмлекетине отыз күннен артық болмаған мүддетке саяхат мақсетинде келген туристлер ушын виза режими пүткиллей бийкарланады. Буннан тысқары, мәмлекетке 30 күнге визасыз кириў дүньяның 12 мәмлекетиниң 55 жастан жоқары пуқараларына да усынылады.

Фото: instagram/nozimnizomovich
скачать dle 10.6фильмы бесплатно



  • 30-12-2016, 17:21 |
  • 328