АҚШ мәмлекетлерди қәўипсизлик бойынша тайпаларға ажыратты: Өзбекистан 1-топардан орын алды

АҚШ мәмлекет департаменти пуқараларды саяҳат етиў қәўипсизлиги ҳаққында хабардар етиўдиң жаңа системасын усынды, оның шеңберинде барлық мәмлекетлер төрт тайпағы бөлинген. Бул ҳаққында kun.uz хабар бермекте. Қурама штатлар сыртқы сиясат мәкемесиниң түсиндириўинше, усыныслар режелестирилип атырған сапарлар қәўпин баҳалаў имканын береди.

Жаңа усыныслар интерактив карталар ҳәм мәмлекетлердиң халыққа дизими көринисинде берилген. Мәмлекет департаменти барлық мәмлекетлерди төрт топарға бөлип шықты.

Орайлық Азия мәмлекетлери: Қазақстан, Тәжикистан, Түркменстан ҳәм Өзбекистан биринши топар – «Әпиўайы қәўипсизлик шаралары»нан орын алды. Вашингтонның пикиринше, биринши топарға киритилген мәмлекетлерге әпиўайы қәўипсизлик шараларын көрген ҳалда барыў мүмкин. Сондай-ақ, бул топардан Шығыс Европаның айырым мәмлекетлери Скандинавия мәмлекетлери, ҒМДАдағы дерлик барлық мәмлекетлер (Россия ҳәм Украинадан тысқары) орын ийелеген.

Екинши топардан жоқары қәўипсизлик шаралары талап етилиўши мәмлекетлер орын алды. Бул дизимге Украина, Батыс Европа мәмлекетлери кирген. Франция, Уллы Британия, Испания терроршылық қәўипи себепли Мәмлекет департаменти тәрепинен екинши тайпаға киритилди.

Үшинши тайпадан болса режелестирилип атырған сапарларды қайта көрип шығыў усыныс етилген мәмлекетлер орын алды – Россия, Туркия, Пакистан, Нигер, Чад, Нигерия.

Мәмлекет департаменти Сирия, Яман, Ирақ, Иран, Аўғанстан, КХДР, Ливия, Мали, Самали, Қубла Судан ҳәм Орайлық Африка Республикасына бармаўды мәсләҳат етти.

 

Аўдарма: makan.uz

скачать dle 10.6фильмы бесплатно



  • 11-01-2018, 10:42 |
  • 363