Өзбекистанда жәмәәтшилик ҳәжетханалары жағдайы түпкиликли жақсыланады

 

Өзбекистанда жәмәәтшилик ҳәжетханалары жағдайы түпкиликли жақсыланады

 Фото: «Nuz.uz» 

Өзбекистан Туризмди раўажландырыў мәмлекет комитети басламасы менен ислеп шығылған ҳәм тастыйықланыўы күтилип атырған ҳүжжет жойбарына муўапық, улыўма аўқатланыў пунктлери, мийманханалар, сувенир дүканлары, жол бойы инфраструктурасы сервис зоналары, бағлар, базарлар, автомобильге жанылғы қуйыў шахабшалары, автомобиллер ушын ўақтынша тоқтап турыў орынлары, хызмет көрсетиў тараўы ҳәм адамлар көп жыйналатуғын басқа орынларда ҳәжетханалар инвентаризациядан өткериледи, деп жазады «Nuz.uz».

Инвентаризация жуўмақларына бола, ҳәжетханалар жоқ орынларда олар қурылады, барлары болса жағдайына қарап, үш топарға бөлинеди ҳәм еки жыл ишинде шет мәмлекетлерде қабылланған талапларға жуўап беретуғын жағдайға келтириў бойынша жол карталары ислеп шығылады.

Туризм комитети исбилерменлик субъектлерине салық жеңилликлерин усыныў ҳәм соның есабына өз ҳәжетханаларын керекли жағдайға келтириў ҳәм оларды таза ҳәм тәртипли ҳалатта сақлаўы ушын имкан бериўди усынбақта.

Жақсы оңланған ҳәм сантехникасы саз болған ҳәжетханаларда санузелди тазалаўдың системаластырылған графигин енгизиў усынылмақта. Бунда жуўаплы хызметши турақлы түрде белгиленген ўақытта ҳәжетхананы тазалайды.

Екинши тайпалы (конструкциясы жақсы болған, суў ҳәм канализацияға жалғанған) ҳәжетханалар капитал оңлаўдан шығарылыўы ҳәм сантехникасы алмастырылыўы және биринши жағдайдағы сыяқлы хызмет көрсетиў дәрежеси енгизилиўи керек.

Алыс аймақларда жайласқан, қолбала материаллардан қурылған, суў ҳәм канализацияға жалғанбаған үшинши тайпадағы ҳәжетханалар реконструкцияланады ҳәм бир неше тонналы сыйымлылыққа ийе баклар менен тәмийинленеди, ассенизация хызмети көрсетилетуғын бетон шығынды уралары қурылады.

 

Аўдарма: makan.uz

скачать dle 10.6фильмы бесплатно



  • 8-01-2018, 11:30 |
  • 120