Япония Өзбекистан пуқаралары ушын виза бериў тәртибин әпиўайыластырды

Япония Өзбекистан пуқаралары ушын виза бериў тәртибин әпиўайыластырды

 Япония Өзбекистан пуқаралары ушын виза бериў тәртибин әпиўайыластырды. Бул мағлыўматты мәмлекеттиң Өзбекистандағы елшиханасы да тастыйықлады, деп хабар бермекте UzNews. 

Жаңа қағыйдалар 5-июннан баслап күшке кирди.

Өзгерислерге муўапық, буннан былай Өзбекистан пуқаралары туризм мақсетинде саяхат еткен жағдайда, усы күнге шекем Япония туристлик компаниялары тәрепинен талап етилген барлық ҳүжжетлерди (мирәт қағазы, кепиллик хаты ҳәм т.б.) усыныўы шәрт емес.

Тек ғана талапкер таярлайтуғын ҳүжжетлер тапсырады. Японияға бир мәртеден көбирек барған жағдайда максимал мүддети 5 жыл болған көп мәртелик виза алыў мүмкин.

Жумыс бойынша, конференция, мәдений илажларда қатнасыўға ямаса ағайин ҳәм танысларын көриў ушын сапарға барғанда, талапкер өзи ғәрежетлерди төлеген жағдайда, япон тәрепинен мирәт себебин билдириўши ҳәм сапар бағдарламасы баянланған хат инәм етиўи жеткиликли.

Еки жағдайда да Японияға бир мәртеден көбирек барған болса максимал мүддети 5 жыл болған көп мәртелик виза алыў мүмкин.

 

Фото: «rococo-japan.de»

скачать dle 10.6фильмы бесплатно



  • 6-06-2017, 19:53 |
  • 468