Хош хабар: Жерлесимиз Жалғасбай Бердимуратов Токио Олимпиадасына қатнасыў ҳуқықын қолға киргизди

 

Хош хабар: Жерлесимиз Жалғасбай Бердимуратов Токио Олимпиадасына қатнасыў ҳуқықын қолға киргизди

 

Жалғасбай Бердимуратов Токио Олимпиадасы қатнасыўшысына айланды. Қазақстан пайтахтында өткерилип атырған спорт гүреслери бойынша жәҳан чемпионатының бүгинги күни жерлеслеримиз ушын табыслы болды. Бир неше минутлар алдын 77 килограмм салмақта гүресшимиз Жалғасбай Бердимуратов та Токио Олимпиадасына қатнасыў ҳуқықын қолға киргизди.

Жерлесимиз бүгинги беллесиўлерин украиналы Володомир Яковлиев үстинен ерисилген жеңис пенен баслады. Бронза медаль ушын гүресиў имканын бериўши басқышта болса литвалы Паулиус Галкинасты да жеңди.

Бул жеңис Жалғасбай Бердимуратовты Токио Олимпиадасы қатнасыўшысы қатарына киритти.

Спортшымыз кешки бағдарламада қазақстанлы Асхат Дилмуҳаммедовқа қарсы бронза медалы ушын гилемге шығады.

Усылай етип, жерлеслеримиздиң Токио Олимпиадасына қолға киргизген жолламаларының саны жетиге жетти. Бираз алдын Элмурат Тасмурадов та -60 килограмм салмақ тайпасында лицензия ийесине айланған еди, деп хабар береди olympic.uz

 

Аўдарма: makan.uz

 

скачать dle 10.6фильмы бесплатно



  • 17-09-2019, 15:23 |
  • 932