Өзбекистанлы паралимпияшы Жәҳән кубогында Азияның жаңа рекордын орнатты

Өзбекистанлы паралимпияшы Жәҳән кубогында Азияның жаңа рекордын орнатты

Өзбекистанлы пара олимпия жүзиўшилер 27-30-апрель күнлери Уллы Британияның Шеффилд қаласында болып өткен паражүзиў бойынша Жәҳән кубогы үшинши басқышында тоғыз медальды қолға киргизди. Жарыста 45 мәмлекеттен 475 спортшы қатнасты.

Өзбекистанның алты ўәкили үш алтын, төрт гүмис ҳәм еки бронза медальды қолға киргизди.

Дмитрий Хорлин 200 метрге комплекс жүзиў, 400 метрге еркин усылда жүзиў ҳәм 100 метрге баттерфлай жүзиўде алтын медаль алыўға ерисип, ең соңғысында әззи көриўши спортшылар (S12) ортасында Азияның жаңа рекордын орнатты.

Музаффар Турсунхўжаев 50 ҳәм 100 метрге еркин усылда жүзиў бойынша еки гүмис медальды қолға киргизди. Ҳаяллар ортасында Шоҳсанам Тошпўлатова 50 метрге еркин жүзиўде бронза, 200 метрге комплекс ҳәм 100 метрге баттерфлай усылда жүзиў бойынша еки гүмис медальды жеңди.

Фотима Амилова 100 метрге брасс усылында жүзиўде бронза медаль жеңди.
Бул ҳаққында gazeta.uz хабар бермекте.


Фото: Халық аралық олимпия комитети
скачать dle 10.6фильмы бесплатно



  • 1-05-2017, 15:41 |
  • 642