Нөкисте аўыр атлетика залы пайдаланыўға тапсырылды

Нөкисте аўыр атлетика залы пайдаланыўға тапсырылды

 

1-май күни республикалық спорттың жеке гүрес түрлери бойынша қәнигелестирилген балалар ҳәм жас өспиримлер спорт мектебиниң аўыр атлетика спорт залының ашылыў мәресими болып өтти.

Онда Қарақалпақстан Республикасы Денетәрбия ҳәм спорт министри Ғ.Байниязов, Өзбекстан Республикасы Аўыр атлетика бойынша ветеранлар кеңесиниң баслығы, жәҳән рекордшысы Э.Каримов ҳәм басқалар шығып сөйлеп, елимизде спортқа қаратылып атырған итибар ҳәм ғамхорлық, жаратылған усындай имканиятлар нәтийжесинде спортшылардың ерисип атырған жетискенликлерин мақтаныш пенен атап өтти.

– Бул спорт базасы бурын авариялық жағдайда еди. Минекей, мәмлекетлик бюджет есабынан 550 млн. сум қаржы ажыратылып, заманагөй көриниске ийе болды. Енди бул залда бир күнниң өзинде жүзге шамалас спортшылар спорттың аўыр атлетика түри менен шуғылланыўына болады, – дейди республикалық спорттың жеке гүрес түрлери бойынша қәнигелестирилген балалар ҳәм жас өспиримлер спорт мектебиниң директоры Әдилбек Алланазаров. – Бүгинги күнге шекем аўыр атлетика бойынша Р.Жаңабаев, Б.Меңлибаев, М.Шашимов ҳәм А.Ражапов сыяқлы спортшыларымыз жетилисип шықты.

Нөкисте аўыр атлетика залы пайдаланыўға тапсырылды

 

Келешекте де бул залда шуғылланған спортшылар арасынан жәҳән ҳәм олимпиада жеңимпазлары жетилисип шығатуғынына исенемиз.

 

Нөкисте аўыр атлетика залы пайдаланыўға тапсырылды

 

Т.СЕЙТНАЗАРОВА,

Қарақалпақстан хабар агентлигиниң шолыўшысы

 

скачать dle 10.6фильмы бесплатно



  • 2-05-2019, 16:11 |
  • 519