Футбол: ЖЧ-2018 сайлаў. Өзбекистан-Қатар бүгин ойнайды

Футбол: ЖЧ-2018 сайлаў. Өзбекистан-Қатар бүгин ойнайды

Бүгин футбол бойынша Жәҳән чемпионаты-2018 турнирына сайлаў басқышы «А» топар 7-турында Өзбекистан сайланды командасы Ташкентте Қатар футболшыларына қарсы ойын өткереди. Ойын «Бунёдкор» стадионында саат 18:00 басланады.
Өз-ара ушырасыўларға тоқталып өтсек, Өзбекистан сайланды командасы Қатарға қарсы 12 ойын өткерип, 7 мәрте жеңген. 3 ойында Қатарлылар жеңген. 2 ойында тәреплер теңге-тең болған. Ташкентте өткерилген 4 ойынның ҳәммесинде қатарлылар жеңилген.

Топардағы жағдай

ЖЧ-2018 турниринда Азия аймағынан сайлаў басқышы «А» топары 6-турынан кейин Иран сайланды командасы 14 упай менен алдында. 6-турда жеңилген Қубла Корея 10 упай менен 2-орында тур. Сапарда Сирияға жеңилген Өзбекистан сайландысы 9 упай менен үшинши орында. Кейинги орынларда сәйкес түрде Сирия (8 упай), Қытай (5) ҳәм Қатар (4) сайланды командалары орын ийелеген.

Бүгин 28-март күни «А» топарында Иран сайландысы өз майданында Қытай менен ойнайды. Сирия сайландысы болса Қубла Кореяда мийманда болады.
ЖЧ сайлаўы
«А» топары, 7-тур
Қубла Корея – Сирия (16:00 )
Иран – Қытай (17:00)
Өзбекистан – Қатар (18:00)


Дерек: uz24.uz

Фото: ЎФФ
скачать dle 10.6фильмы бесплатно



  • 28-03-2017, 11:27 |
  • 263