Равшан Эрматов жәҳән чемпионатында қайсы ойынды басқаратуғынлығы анық болды

 

Равшан Эрматов жәҳән чемпионатында қайсы ойынды басқаратуғынлығы анық болды

 

Өзбекстанлы ФИФА рефериси Равшан Эрматов Россияда өткерилип атырған жәҳәнчемпионатының 2-турынан орын алған Аргентина–Хорватия ойынына бас төреши етиптайынланды, деп жазады Kun.uz сайты.

Оған лайнсменлер Абдуҳамидулло Расулов ҳәм Жаҳонгир Саидов жәрдем береди. Резервтеги төреши таитили Норберт Хауата етип белгиленди.

Ойын 21-июнь күни Нижный Новгородта Ташкент ўақты менен саат 23:00 де басланады.

Усылайынша Эрматов жәҳән чемпионатларындағы басқарған ойынларының саны бойынша өзи орнатқан рекордты жаңалайды. Усы күнге шекем Эрматов ЖЧ финаллық басқышларында 9 ойында бас төреши болған еди.

Еслетип өтемиз, Равшан Эрматов Лионель Месси басшылығындағы Аргентина сайланды командасының 2010-жылы Қубла Африка Республикасындағы еки ойынын басқарған. Сол ойынларда аргентиналылар топарлық басқышта Грецияға қарсы ойында 2:0 есабы менен жеңиске ерискен, ал шерек финалда Германияға 0:4 есабында жеңилип қалған еди.

Эрматов 2014-жылдағы мундиалда Хорватия қатнасыўындағы бир ойынды да басқарған. Сол ойында Мексикаға 1:3 есабы менен жеңилген хорватлар топар басқышынан өте алмаған еди.

 

Дерек: Қарақалпақстан хабар агентлиги

 

 

скачать dle 10.6фильмы бесплатно



  • 20-06-2018, 11:01 |
  • 541