Қараөзекте «Миллий халық ойынлары» фестивалы өткерилди

 

Қараөзекте «Миллий халық ойынлары» фестивалы өткерилди

  

Қарақалпақ халқының мәденияты ҳәм миллий үрп-әдет, дәстүрлери неше әсирлер сынағынан өтип, бүгингидей ғәрезсиз заманға шекем өз қунлылығын жойтпастан әўладтан-әўладқа жетип келмекте. Миллий өзгешелигимизди сәўлелендиретуғын ғайры нағыслы кийим-кеншеклерден тартып, халқымыздың руўхый-мәдений  турмысы менен байланыслы дөретилген бай фольклорымыз бүгин бизиң мақтанышымыз саналады.

Усындай халықтың өткен турмысында жас әўлад санасына миллий руўхыйлығымыздың бир көриниси сыпатында терең сиңдирилген ҳәм перзенттиң камалға келиўинде, оның тәрбиясында әҳмийетли орын тутатуғын халық ойынларына итибар артып бармақта.

Өзбекстан «Миллий тикланиш» демократиялық партиясының мақсет ҳәм ўазыйпалары, сайлаў алды платформасында белгилеп берилген идеялар дөгерегинде партияның Қараөзек районлық кеңеси басламасы менен өткерилген «Өзбекстан – улыўма үйимиз» сүрени астында «Миллий халық ойынлары» фестивалын өткериўден мақсет де халқымыздың миллий өзгешеликлерин жас әўлад санасына терең сиңдириў, жас әўлад тәрбиясында миллий халық ойынларының әҳмийетин үгит-нәсиятлаў ҳәм кең ен жайдырыў,  жасларымызда миллий ойынларға болған қызығыўшылығын арттырыў, ең баслысы миллийлигимизден мақтаныш туйғысын оятыўдан ибарат болды.

Қараөзек районы балалар өспиримлер спорт мектеби ашық майданына миллий кийимлеримизде кирип келген жас-өспиримлерде халық ойынларына болған қызығыўшылық ҳәм миллий мақтаныш сезиминиң артқанын көзлеринен де көринип турғандай сезиледи. Әсиресе үлкен-кишиси жәмлесип ҳәр бир ойынның шәртлерине өзгеше қызығыўшылық пенен жуғырласып тыңлап, ойнап көриўге асыққан кишкенелердиң қуўанышының шеги жоқ. Өйткени халқымыздың миллий өзгешелигин өзлериниң күнделикли ойынлары мысалында көре билген фестиваль қатнасыўшылары ҳәр бир мектептен келгенлигине қарамастан тезде тил табысып, ойынлар қатнасыўшысына айланып үлгерди.

Районлық Мәденият бөлими,  Қарақалпақстан Республикасы дене тәрбия ҳәм спорт бойынша мәмлекетлик комитети районлық бөлими биргеликте фестивалда жас әўладтың миллий ойынлар ҳаққында кең түсиник алыўы ушын ат салысып, еле де ен жайдырыўға болған умтылысы нәтийжесинде қарақалпақ халқының миллий ойынлары көрсетип өтилди ҳәм әҳмийети, мақсети де түсиндирилди. Ләңки, теппек, бек тас, шүллик, асық маңлай шертпек сыяқлы ойынлар қатарында қашарман ойыны бойынша мектеп оқыўшылары арасында жарыс шөлкемлестирилиўи ойынлардың қызғын түрде өтиўине себеп болды.

Фестиваль жуўмағында шөлкемлестириўшилер тәрепинен миллий халық ойынларын еле де ен жайдырыўда бирге ислесиў бойынша пикир алысылып, жаслар тәрбиясындағы әҳмийети ҳәм мақсетин терең үгит-нәсиятлаў бойынша келисип алынды. Соңында қашарман миллий ойыны жеңимпазлары ҳәм фестиваль қатнасыўшылары дәрежели диплом ҳәм ҳүрмет жарлықлары менен сыйлықланды.

 

Қараөзекте «Миллий халық ойынлары» фестивалы өткерилди

 

Қараөзекте «Миллий халық ойынлары» фестивалы өткерилди

 

Қараөзекте «Миллий халық ойынлары» фестивалы өткерилди

 

Қараөзекте «Миллий халық ойынлары» фестивалы өткерилди

 

Қараөзекте «Миллий халық ойынлары» фестивалы өткерилди

 

Қараөзекте «Миллий халық ойынлары» фестивалы өткерилди

 

Қараөзекте «Миллий халық ойынлары» фестивалы өткерилди

 

Қараөзекте «Миллий халық ойынлары» фестивалы өткерилди

 

Қараөзекте «Миллий халық ойынлары» фестивалы өткерилди

 

Қараөзекте «Миллий халық ойынлары» фестивалы өткерилди

 

Қараөзекте «Миллий халық ойынлары» фестивалы өткерилди

 

Қараөзекте «Миллий халық ойынлары» фестивалы өткерилди

 

Қ.Жақсымуратов,

Қараөзек районы

 

скачать dle 10.6фильмы бесплатно



  • 1-05-2018, 11:22 |
  • 199