Спорт паспорты ҳаққындағы нызам тастыйықланды

 

Спорт паспорты ҳаққындағы нызам тастыйықланды

 

Өзбекистан Республикасы Әдиллик министрлигинде Спорт паспорты ҳаққындағы нызам мәмлекетлик дизимнен өткерилди. Бул ҳаққында министрлик баспасөз хызмети хабар бермекте.

Оған муўапық, спорт паспорты бирден-бир үлгидеги ҳүжжет болып, спортшының физикалық тәрбия-спорт шөлкемине тийисли екенин ҳәм оның спорт тәжирийбесин тастыйықлайды. Нызамға муўапық спорт паспорты өспиримлер ушын екинши спорт разрядынан төмен болмаған разрядқа ийе болған, тийисли спорт түри менен турақлы түрде шуғылланып киятырған ҳәм спорт жарысларында турақлы түрде қатнасыўшы спортшыға бериледи. Спорт паспортынан:

- спортшының бир физикалық тәрбия-спорт шөлкеминен басқасына өтиўде;

- спортшыны спорт жарысларында қатнасыў ушын дизимге алыўда;

- спортшының медициналық тексериўден өтиўинде;

- спортшы тәрепинен спорт атақлары ҳәм спорт разрядларын бериў ушын керекли болған нормалар ҳәм талаплар орынланыўында;

- нызамшылықта белгиленген басқа жағдайларда пайдаланылады.

Сондай-ақ, бул ҳүжжетке муўапық еки формада спорт паспортлары енгизиледи: китапша формасындағы спорт паспорты ҳәм пластик формадағы спорт паспорты, делинген хабарда.

 

Фото: Әдиллик министрлигинен

скачать dle 10.6фильмы бесплатно



  • 22-11-2017, 16:23 |
  • 179