Хош хабар: Батырбек — Азия  чемпионы

 

Хош хабар: Батырбек — Азия  чемпионы

 

«Еркин Қарақалпақстан» газетасының хабар бериўинше жерлесимиз Батырбек Хожабеков усы жылдың 10-12-ноябрь күнлери Ташкент қаласында өткерилген Азия ашық чемпионатында қырғызстанлы ҳәм россиялы қарсыласларын жеңип, алтын медаль ийесине айланды.

Усы жерде соны айрықша атап өтиў керек, спорттың қол урысы түринен устазы Жақсылық Пирназаровтан сабақ алған ол 2017-жыл апрель айында Москва қаласында өткерилген жәҳән чемпионатында қола, сондай-ақ, май айында Венгрия қаласында өткерилген европа чемпионатында гүмис медаль жеңди.

Екшемби күни Нөкис халықаралық аэропортында Батырбек Хожабеков кең жәмийетшилик ўәкиллери тәрепинен салтанатлы түрде күтип алынды. Илажда сөзге шыққан Өзбекистан миллий олимпияда комитетиниң Қарақалпақстандағы ўәкили Мурат Сәрсенбаев, Қарақалпақстан Республикасы ветеран спортшылар шөлкеми баслығы Б.Жумамуратов ҳәм басқалар Батырбектиң қолға киргизген табысы менен қызғын қутлықлады ҳәм алдағы беллесиўлерде өз жеңислери менен халқымызды қуўа­ныш­қа бөлей бериўине тилеклеслик билдирди.

 

 СҮЎРЕТТЕ: Б.Хожабеков тренери Ж.Пирназаров пенен

скачать dle 10.6фильмы бесплатно



  • 21-11-2017, 09:52 |
  • 316