Қараөзекте жас-өспиримлер ҳәм қызлар арасында волейбол бойынша жарыстың финал басқышы болып өтти

 

Қараөзекте жас-өспиримлер ҳәм қызлар арасында волейбол бойынша жарыстың финал басқышы болып өтти

 

          Жақында Қараөзек районында Өзбекистан Балалар спортын раўажландырыў қорының 15 жыллығына арналып спорттың волейбол түринен 2001-2003 жыллары туўылған жас-өспиримлер ҳәм қызлар арасында спорт жарысының финал басқышы болып өтти. 

          Жарысқа аймақлық басқышларында жеңимпаз болған  Нөкис қаласы, Шоманай, Қоңырат, Беруний ҳәм Қараөзек районының ерлер ҳәм қыз-балалар командалары күш сынасқан беллесиўлер ҳақыйқый спортшыларға тән болған тартыслар менен өтти. Әсиресе, Беруний ҳәм Қараөзек районы командаларының өз аймақларында қарсыласларынан әдеўир үстем келип, күшин әмелде көрсете алыўы, тынымсыз таярлықлардың нәтийжеси өз сөзин айтты. Жуўмағында ер-балалар арасында Қараөзек районы биринши, Нөкис қаласы екинши, Беруний районы спортшылары үшинши, ал қыз-балалар арасында Беруний районы биринши, қараөзеклилер екинши ҳәм нөкислилер үшинши орынларды өз-ара бөлисти.

         Спортшыларды жеңиси менен қутлықлаў ушын район ҳәкими Д.Утемуратов, Қарақалпақстан Балалар спортын раўажландырыў қоры  директоры Ж.Турдымуратов, районлық халық билимлендириў бөлими баслығы Д.Изетуллаев ҳәм басқалар шығып сөйлеп, алдағы жарысларда да табысларға ерисиўине тилек билдирди.

Қараөзекте жас-өспиримлер ҳәм қызлар арасында волейбол бойынша жарыстың финал басқышы болып өтти

 

              Жеңимпазларға шөлкемлестириўшилер тәрепинен тярланған диплом ҳәм баҳалы саўғалар салтанатлы түрде тапсырылды.

 

 

Қ.Жақсымуратов

Қараөзек районы

скачать dle 10.6фильмы бесплатно



  • 7-11-2017, 13:58 |
  • 315