Қараөзекте 6-13 жаслылар арасында спорт жарысы өткерилди

Қараөзекте 6-13 жаслылар арасында спорт жарысы өткерилди

 

Қараөзек районы балалар-өспиримлер спорт мектеби залында Өзбекистан Республикасы Ғәрезсизлигиниң 26 жыллығына бағышлап «Пидайың болғаймыз сениң, Өзбекистан!» ураны менен өзбек жаўынгерлик өнери (Ўзбек жанг санъати) миллий спорт түри бойынша  6-13 жаслы ер ҳәм қыз-балалар арасында  спорт жарысы болып өтти.

Спорт жарысын Өзбекистан «Миллий тикланиш» демократиялық партиясы Қараөзек районлық Кеңеси, Өзбекистан Жаслар Аўқамы районлық Кеңеси ҳәм спорт мектеби биргеликте жасларды руўхый ҳәм физикалық жақтан күшли етип тәрбиялаўда спорт шынығыўларынан үнемли пайдаланыў, спорт арқалы Ўатанға муҳаббат сезимин арттырыў, өзбек жаўынгерлик өнери миллий спортын және де раўажландырыў ҳәм ғалабалылығына ерисиў, саламат турмыс тәризин үгит-нәсиятлаў ҳәм олардың ден-саўлығын беккемлеў, спорт арқалы нәшебентлик ҳәм зыянлы әдетлердиң алдын алыў, жаслардың бос ўақытларын мазмунлы өткериў мақсетинде шөлкемлестирди.

Жарыс ер ҳәм қыз-балалар арасында "жеке беллесиў" ҳәм «жеке комплекс шынығыў» жөнелислери бойынша Өзбекистан «Ўзбек жанг санъати»  Федерациясы қабыл еткен қағыйдаларға муўапық алып барылды.

Қараөзекте 6-13 жаслылар арасында спорт жарысы өткерилди

 

Кескин беллесиўлер жуўмағында өз салмағында Н.Пиржанов, Б.Шерманов, Ш.Ургенишбаев, Н.Хожаназаров, Н.Кеңесбаев, У.Кеңесбаев, Ш.Турсынбаев, Д.Алламбергенова, Д.Утешов, М.Тилеулисовлар жеңимпаз атанды. Өз гезегинде шөлкемлестириўшилер тәрепинен жаслар турақлы спорт пенен турақлы шуғылланыўға ҳәм саламат турмыс тәризин қоллаўға, бос ўақытларын мазмунлы өткериўге шақырылды ҳәм алдағы болып өтетуғын жарысларда әўмет тиледи. Жеңимпазлар шөлкемлестириўшилер тәрепинен таярланған диплом ҳәм Өзбекистан Жаслар Аўқамы районлық кеңесиниң  ҳүрмет жарлығы менен сыйлықланды.

Қараөзекте 6-13 жаслылар арасында спорт жарысы өткерилди

 

 

Қуўаныш Жақсымуратов

ӨзМТДП Қараөзек районлы

 Кеңеси баслығы

 

скачать dle 10.6фильмы бесплатно



  • 8-09-2017, 12:50 |
  • 323