Шымбайда жаслар ортасында спорт жарыслары өткерилди

 

Шымбайда жаслар ортасында спорт жарыслары өткерилди

 

Жақында Шымбай районы Қызыл өзек-кәсип-өнер колледжинде ҳәм Шымбай районы 36-санлы мектебинде Өзбекистан «Миллий тикланиш»демократиялық партиясы Шымбай районлық Кеңеси, Балалар спортын раўажландырыў қоры, Өзбекистан Жаслар аўқамы Шымбай районлық Кеңеси ҳәм «Мәҳәлле» қайырқомлық жәмийетлик фонды районлық бөлими менен биргеликте Өзбекистан Республикасы Ғәрезсизлигиниң 26 жыллығына бағышлап «Пидайың болғаймыз сениң, Өзбекистан!» ураны астында мәҳәллелердеги жәмлеспеген жаслар арасында спорттың баскетбол, футбол ҳәм де волейбол түрлери бойынша спорт жарысы өткерилди.

Шымбайда жаслар ортасында спорт жарыслары өткерилди

 

Илажды өткериўден мақсет келешегимиз болған жаслардың, әсиресе жәмлеспеген жаслардың билим ҳәм сана сезимин асырыў, олардың бос ўақытларын мазмунлы өткериўди шөлкемлестириў ҳәм саламат турмыс тәризин қәлиплестириўден ибарат.

Жарыс жүдә қызғын түрде, беллесиўлерге бай тәризде өтип, ҳәр бир команда жеңиске ерисиў ушын бар күш-жигерин аямастан ҳәрекет етти.

      Жарыс соңында спорттың баскетбол түринен 5-санлы «Жипек жолы» мәкан пуқаралар жыйыны командасы биринши орынды, футбол бойынша    4-санлы «Шахтемир» мәкан пуқаралар жыйыны командасы биринши орынды, ал волейбол бойынша «Қостерек» аўыл пуқаралар жыйыны командасы биринши орынды жеңип алып, жарыстың Қарақалпақстан Респбуликасы басқышына жоллама алды. Жарыс жеңимпазларына ҳәм де белсенди қатнасқан қатнасыўшыларға ӨзМТДП Шымбай районлық Кеңеси, «Мәҳәлле» қайырқомлық жәмийетлик фонды районлық бөлими, Өзбекистан Жаслар аўқамы Шымбай районлық Кеңеси, Балалар спортын раўажландырыў қоры тәрепинен таярланған диплом ҳәм естелик саўғалар менен сыйлықланды. 

 

Алишер Матниязов

ӨзМТДП» Шымбай районлық

Кеңеси жетекши қәнигеси

скачать dle 10.6фильмы бесплатно



  • 22-08-2017, 12:15 |
  • 870