Өзбекистан паралимпияшылары ЖЧда 7 медаль утты, Жәҳан ҳәм Азия рекордларын жаңалады

Өзбекистан паралимпияшылары ЖЧда 7 медаль утты, Жәҳан ҳәм Азия рекордларын жаңалады

14-23-июль күнлери Лондонда болып өткен жеңил атлетика бойынша параолимпия жәҳан чемпионатында Өзбекистан сайланды командасы жети медаль жеңип, Жәҳан ҳәм Азия рекордларын жаңалады, бул ҳаққында «Газета.uz» хабар бермекте.

Жарыстың соңғы күнинде өзбекистанлы спортшылар командаға еки гүмис медаль усынды. Ҳаяллар ортасында ядро ылақтырыў спорт түринен София Бурхонова 14.76 м нәтийже менен «гүмис» ийеси болды. Алдынырақ, София Бурхонова диск ылақтырыўда (38,17 м) гүмис медальды қолға киргизген еди.

Еркеклер ортасында ядро ылақтырыў бойынша Ҳусниддин Норбеков 14,87 м нәтийже менен жәҳән вице-чемпионына айланды. 

10 күн даўам еткен «Лондон-2017» Жәҳан Чемпионатында Өзбекистан үш алтын ҳәм төрт гүмис медальды қолға киргизип, 66 команда ортасында 19-орынды ийеледи. Найза ылақтырыў бойынша Александр Свечников жаңа жәҳан рекордын орнатқан болса, узынлыққа секириў бойынша Дониёр Солиев Азиядағы ең жақсы нәтийжени жаңалады.

Жарыс шеңберинде 1050 паралимпияшы 213 топлам медаль ушын беллести.

 

Александр Свечников.

Фото: fb.com/ParaAthletics

 

скачать dle 10.6фильмы бесплатно



  • 25-07-2017, 16:10 |
  • 351