Футбол: ЖЧ-2018 сайлаўы. Иран-Өзбекистан ушырасыўына превью

Футбол: ЖЧ-2018 сайлаўы. Иран-Өзбекистан ушырасыўына превью

 Азия аймағынан ЖЧ-2018 турнирина сайлаў басқышы А топары, 8-турында Өзбекистан сайланды командасы сапарда Иран футболшыларына қарсы ойын өткереди. Жарыс 12-июнь күни Тегеран қаласындаға «Озоди» стадионында болып өтеди. Ойын Ташкент ўақты менен 21:45 те басланады.

ӨФФ баспасөз хызмети командалар ортасындағы өз-ара ойынлар статистикасы, қурамдағы жоғалтыўлар ҳәм енди болатуғын ойынға байланыслы басқа мағлыўматлдарды жәриялады.

Өз-ара ушырасыўлар

Өзбекистан ҳәм Иран усы күнге шекем 7 мәрте ойнаған. Иранлылар 5 ойында жеңген болса, бир ушырасыўда ғана жерлеслеримиз жеңген. Және бир ушырасыўда теңге-тең болған. Өзбекистан миллий сайланды командасының Иранға қарсы бирден-бир жеңиси 2012-жылы Тегеранда болған.

Командалар ортасындағы барлық ойынлар нәтийжеси

14.12.1998          Өзбекистан – Иран 0:4  |  Азия ойынлары 1/4 финал

11.07.2007          Иран – Өзбекистан 2:1  |  Азия Кубоги, топар басқышы

05.09.2009          Өзбекистан – Иран 0:0  |  Дослық ойыны

03.06.2012          Өзбекистан – Иран 0:1  |  ЖЧ–2014 сайлаўы

14.11.2012          Иран – Өзбекистан 0:1  |  ЖЧ–2014 сайлаўы

11.06.2015          Өзбекистан – Иран 0:1  |  Дослық ойыны

06.10.2016          Өзбекистан – Иран 0:1  |  ЖЧ–2018 сайлаўы

 

Ойыннан алдыңғы таярлық

Өзбекистан миллий сайланды командасы Иранға қарсы ойын алдынан 6-июнь күни Ташкентте Таиланд сайландысы менен ойнады. Темурхўжа Абдухолиқов ҳәм Сардор Рашидовтың голлары Өзбекистанға 2:0 есабында жеңис алып келди.

Иран сайландысы 4-июнь күни Подгорица қаласында Черногория футболшыларына қарсы ойнады. Сардор Ўзмунниң дубли Карлуш Кейруш командасына 2:1 есабындағы жеңис алып келди.

Футбол: ЖЧ-2018 сайлаўы. Иран-Өзбекистан ушырасыўына превью

 

Жоғалтыўлар

Өзбекистан сайланды командасы қатарында бир қанша жоғалтыўлар бар. Яғный, Виталий Денисов, Ислом Тўхтахўжаев, Александр Мерзляков сыяқлы футболшылар Таиланд ҳәм Иранға қарсы ойынларда майданға түспейтуғыны алдынырақ мәлим етилди.

Футбол: ЖЧ-2018 сайлаўы. Иран-Өзбекистан ушырасыўына превью

Кейин ала, шыпакерлер усынысына муўапық Одил Ҳамробеков миллий сайланды командадан «Насаф» қурамына өтти. Таиланд пенен ойында жарақатланған Марат Бикмаев ҳәм клубда аяғын жарақатлаған Даврон Ҳошимов да Иранға бармайтуғыны мәлим болды.

Футбол: ЖЧ-2018 сайлаўы. Иран-Өзбекистан ушырасыўына превью

Иран сайланды командасында жоғалтыўлар жоқ. Өзбекистан менен ойынға тартылған футболшылардан ҳеш бири жарақатланбаған ямаса белгили себеплерге бола командадан шықпаған.

 ФИФА рейтингиндеги орны

1-июнь күни Халық аралық футбол федерациясы (ФИФА) жаңалаған рейтингти жәриялады. Оған муўапық, Өзбекистан сайландысы 582 очко менен 62-орынды ийелеген. Есапта 829 очко менен Иран командасы жәҳән рейтингинде 30-орынды ийелеп тур. АФКға ағза мәмлекетлер сайланды командалары ортасында иранлылар биринши, Өзбекистан алтыншы орында тур.

Футбол: ЖЧ-2018 сайлаўы. Иран-Өзбекистан ушырасыўына превью

 

 Ушырасыў төрешилери

Иран-Өзбекистан ушырасыўына Оман мәмлекетиниң ФИФА рефериси Аҳмад Абу Бакар Саид ал-Каф бас төреши етип тайынланған. Оған қанатларда жерлеслери Ҳамид Сулаймон Марҳун ал-Маҳайи ҳәм Абу Бакар Салим Маҳад ал-Амри жәрдем береди. Умар Муборак Мазаруа ал-Ёқубий аўсық төреши сыпатында ислейди.

Төрешилер исине малайзыялы Муҳаммад Солиҳ Субҳиддин баҳа береди. Ушырасыў комиссары етип япониялы Каисе Томохиро белгиленген. Қәўипсизлик бойынша офицер – Тара Сингҳ (Малайзия).

Футбол: ЖЧ-2018 сайлаўы. Иран-Өзбекистан ушырасыўына превью

 

Топардағы жағдай

ЖЧ-2018 турнирына сайлаў басқышы А топары 7-турынан кейин жағдай төмендегише: Иран 17 очко менен алдында, Қубла Корея 13 очко, Өзбекистан 12 очко менен сәйкес түрде 2-3-орынларды ийелеп турыпты. Топардағы 4-6-орынларды болса тийисли түрде Сирия (8 очко), Қытай (5) ҳәм Қатар (4) ийелеген.

 

А топары 8-турының қалған ойынлары

Сайлаў басқышының А топары 8-турында Сирия нейтрал майдан – Малайзияда Қытай сайланды командасы менен ойнайды. Ойын 13-июнь күни Ташкент ўақты менен саат 18:45 те басланады. Қатар сайландысы болса 13-июнь күни Қубла Корея менен Доҳа қаласында ойнайды. Жарыстың басланыў ўақты Ташкент ўақты менен 23:59 ға белгиленген.

 

Фото: tribuna.uz

скачать dle 10.6фильмы бесплатно



  • 12-06-2017, 09:45 |
  • 405