Бюро хабарлары: Хожели районы

Өзбекстан Республикасы Президентиниң 2017-жыл 29-майдағы «Электр энергиясын ҳәм тәбийғый газди жеткерип бериў және тутыныў тараўында төлем тәртибин буннан былай да беккемлеў, сондай-ақ, атқарыў жумысын жүргизиў системасын түп-тийкарынан жетилистириў илажлары ҳаққында»ғы Пәрманы ҳәм 2017-жыл 30-майдағы «Өзбекстан Республикасы Бас прокуратурасы жанында Мәжбүрий орынлаў Бюросы жумысын шөлкемлестириў ҳаққында»ғы қарары талапларынан келип шыға отырып, райондағы шетки ҳәм алыс аймақларда жасаўшы турмыслық тутыныўшылардың пайдаланған энергия ресурслары ҳәм ишимлик суўынан қарызларын өндириўде оларға қолайлылық жаратыў мақсетинде Бюроның Хожели районлық бөлими тәрепинен бир қатар илажлар әмелге асырылмақта.

Атап айтқанда, АКБ «Халық банки»ниң Хожели районлық филиалында шөлкемлестирилген 5 көшпели касса тәрепинен ҳәр күни белгиленген кес­те тийкарында райондағы мәҳәлле ҳәм аўыл пуқаралар жыйынларында жасаўшы пенсионерлерге напақалар тарқатыў ушын бөлим хызметкерлери менен биргеликте аймақларға шығыў шөлкемлестирилген. Белгиленген мәнзилге жетип барғаннан кейин напақа алыўшы пенсионерлер өз напақаларын алып, сол жердиң өзинде бөлимниң мәмлекетлик инспекторларына коммуналлық төлемлер бойынша қарызларын төлеп кетеди. Бул процесс белгили бир ўақыт өткеннен кейин бөлимниң мәмлекетлик инспекторларының жол картасына тийкарланып, белгиленген тәртипте төлемлерди өндириўде ҳәм өзлерине жүклетилген басқа да ўазыйпаларды орынлаўда даўам еттириледи.

Шөлкемлестирилген мәмлекетлик инспекторларға көмеклесиўши турақлы жумысшы топары ағзалары, яғный, мониторинг ҳәм тал­қылаў, техникалық бақлаў, қарыздарлықты судқа шекем өндириў ҳәм оператив бөлим хызметкерлери тәрепинен банк көшпели касса ўәкиллери менен қарыздарлар дизими тийкарында үйме-үй кирип яки тутыныўшыларға қолайлы бол­ған орынлардағы имаратларға (аймақтағы мәҳәлле, мектеп, колледж ҳәм басқалар) қоңыраў етиў арқалы мирәт етилип, қарызларды өндириў илажлары көрилмекте.

Бул процесслер бир ўақыттың өзинде үш усылда пул жыйнаў имканиятын бермекте. Яғный, напақа алыўшылардан, мәмлекетлик инспекторлардың өз жөнелислери арқалы ҳәм оларға көмеклесиўши жумысшы топардың банк хызметкерлери менен бирге үйме-үй кирип, төлемлердиң өндирилиўи тәмийинленеди.

Ҳәр күни мәмлекетлик инс­пектордың өзи тәрепинен пенсия алыўшылардың напақасы есабынан ҳәм турақлы жумысшы топарының банк хызметкерлери менен жыйнаған төлемлери бойынша айрықша есабатлары тыңлап барылмақта ҳәм бундай илажлар өзиниң унамлы нәтийжесин бермекте. Мысалы, быйылғы жылдың өткен 4 айы даўамында Хожели районына белгиленген электр энергиясы ушын өндириў режелери февраль ҳәм апрель айларында толық тәми­йинленген болса, тәбийғый газ ҳәм ишимлик суўы ушын белгиленген өндириў режелериниң февраль, март ҳәм апрель айларында толығы менен орынланыўына ерисилди.

 

Б.ЮЛДАШЕВ,

Мәжбүрий орынлаў Бюросы Хожели районлық бөлиминиң

техникалық бақлаў бөлимшеси бас инженери.  

 

Дерек: «Еркин Қарақалпақстан» газетасы

 

скачать dle 10.6фильмы бесплатно



  • 22-05-2018, 11:57 |
  • 678