«Төрткүл шийша ыдыслары» 294 тонна өним экспорт қылды

Ҳәр қандай раўажланған мәмлекеттиң тийкарын турақлы экономика қурайды екен, бизиң мәмлекетимизде де миллий экономикамызды беккемлеў ушын исбилерменлерге кең имканиятлар жаратылып, олардың жумысларында ушырасып атырған машқалаларды сапластырыў барлық мекеме ҳәм шөлкемлердиң тийкарғы ўазыйпаларының бири болып табылады.

Президентимиздиң 2017-жыл 22-декабрь күни Олий Мәжлиске жоллаған мүрәжатнамасында экономиканы раўажландырыўдың ҳәм либералластырыўдың тийкарғы бағдарлары ҳаққында айрықша тоқталып, өним ислеп шығарыўда үлкен әҳмийетке ийе болған исбилерменликти раўажландырыў, тараў ўәкиллериниң нызамлы мәплерин қорғаў, исбилерменлердиң жумысларына жаңаша нәзер менен қараў, олардың басламаларын қоллап-қуўатлаў ҳаққында айтқан еди.

Бүгинги күнде исбилерменлик жумысларына жақыннан көмеклесиў, исбилерменлерди қыйнап атырған машқалалы мәселелерди шешиўге итибар қаратыўда мәмлекет басқарыў уйымлары менен бир қатарда ҳуқуқ қорғаў уйымларының да көмеклери зәрүр.

Қарақалпақстан Республикасы бажыхана басқармасы ҳәмде “Төрткүл” сыртқы экономикалық байланыслар бажыхана посты хызметкерлери тәрепинен Төрткүл районындағы фармацевтика ҳәм азық-аўқат санаатында қолланылатуғын шиша ыдыслар ислеп шығарыўшы «Төрткүл шийша ыдыслары»ЖШЖде болып, кәрхананың жумыс процессин үйренилип, көзден кешрилди.

Көлеми 6 миллион 361 мың АҚШ долларлық бул жойбардың жыллық қуўаты 21 мың 900 тонаны қурап, 80 жумыс орны ажыратылған кәрхана суткасына 60 тонна шиша ыдысларды ислеп шығарыўға мөлшерленген.

«Төрткүл шийша ыдыслары» 294 тонна өним экспорт қылды

 

Усы жылдың июль айынан берли 294 тонна шиша ыдыслар қоңсы Түркменстан Республикасына экспорт қылынған.

-“Бизиң жәмийетимиз жақында жумыс баслағанлығына қарамастан өнимлеримизге талап күннен-күнге артып бармақта-дейди кәрхана ис басқарыўшысы Еркин Абдуллаев,-көбинесе өнимлеримизди буйыртпа тийкарында ислеп шығарып атырмыз, ҳәзирде биз ислеп шығарып атырған азық-аўқат санаатында қолланылатуғын шиша ыдысларымыз сыртқы, соның менен бирге ишки базарда да өз харыйдарларын таўып атыр. Кәрхананың техникалық қуралларын Хытай Халқ Республикасынан алып келиўимизде ҳәмде рәсмийлестириў процесслеринде артықша ўақыт жоғалтыўларға ҳәм әўерегершиликлерге дуўшар болмадық, буның ушын бажыхана хызметкерлеринен миннетдармыз”.

 

«Төрткүл шийша ыдыслары» 294 тонна өним экспорт қылды

 

Бажыхана хызметкерлери де өз нәўбетинде жумысларын енди жолға қойған, жаңадан иске түсирилген кәрханаларға барған ҳалда исбилерменлерге бажыхана тараўына байланыслы қабыл етилип атырған нызам ҳүжжетлерин түсиндириў, имтияз ҳәм жеңилликлерден хабардан етиў менен бәнт.

 

Қарақалпақстан Республикасы Бажыхана басқармасы Мәлимлеме хызмети

скачать dle 10.6фильмы бесплатно



  • 18-10-2019, 17:03 |
  • 370