Тахтакөпирде қоян фермасы болады

Алдын хабар бергенимиздей, Тахтакөпир районында аўыл хожалық тараўында исленип атырған жумыслар көп. Биз бул районға 1-апрель күни бардық, солықтан төмендеги мағлыўматлар сол сәне менен бериледи.

Тахтакөпир районы аўыл ҳәм суў хожалығы бөлими баслығы Азат Хожамуратовтың айтыўына қарағанда, районда 1,5 млн долларлық жойбарға инвестиция киритилип атыр. Бул жойбар бойынша районға 1000 қоян алып келинеди. Жойбарды әмелге асырыў ушын жаңадан шөлкемлестирилип атырған фермер хожалығын 0 баҳада имарат берилген. Сондай-ақ, район аймағынан 220 га жер майданы ажыратылған. Шөлкемлестирилген фермер хожалығы қоянның азығы ушын жоңышқа егисин баслаған. Биринши ярым жыллықта қоянларды алып келиў белгиленген болып, бул басқышта кеминде 20 адам турақлы жумыс пенен тәмийинлениўи күтилмекте.

- Жойбар ишинде қоян жетистириўден тысқары, бизлерде еретеректе болған қурылма алып келиниўи белгиленген. Яғный, бул қурылма жоңышқаны пресслеп гранула қылып шығарады. Гранулаланған жоңышқа шет елге экспортқа жибериледи. Бул жойбардың ҳәммеси районымыздағы Тахтакөпир АПЖ аймағында әмелге асырылады, - дейди Азат Хожамуратов.

 

Лола Қаллыханова,

журналист

скачать dle 10.6фильмы бесплатно



  • 21-04-2018, 13:06 |
  • 173