Фото: Тахтакөпирде ферғаналы фермерлер жумыс ислемекте

 

Фото: Тахтакөпирде ферғаналы фермерлер жумыс ислемекте

 

2018-жылдың 1-апрель күни makan.uz сайты Тахтакөпир районында болып, аўыл хожалық тараўында исленип атырған жумыслардың барысы менен танысты.

Хабарыңыз бар, Президентимиз Шавкат Мирзиёевтиң Қарақалпақстанға өткен жыл соңында әмелге асырған сапары ўақтында пайда жағынан өзин ақламай атырған пахта егилетуғын жерлерди қысқартып, оның орнына басқа пайдалы егинлерди егиў, Қарақалпақстанның бир неше районларын шарўашылыққа қәнигелескен районларға айландырыў тапсырмасы берилген еди.

Соның менен бирге жақында, Қарақалпақстан Республикасы Тахтакөпир, Қоңырат ҳәм Қанлыкөл районларында шарўашылық тармақларын жәнеде раўажландырыў, шарўашылық өнимлерин жетистириўди кескин асырыў ис-иләжлары ҳақкындағы Ҳүкимет қарары қабыл етилди. Қарар менен Қарақалпақстан Республикасы Министрлер Кеңесине Тахтакөпир районындағы жайлаўлардан 2018-2019-жылларда 10 мың бас майда шақлы малларды бағыўға қәнигелестирилген фермер хожалықларын шөлкемлестириў иләжларын көриў, Ташкент қаласы ҳәкимлигине Тахтакөпир районында жетистирилген гөш өнимлерин сатып алыў, сақлаў ҳәм системалы түрде Ташкент қаласы халықына жеткерип бериўге қәнигелестирилген, заманагөй  саллақхана ҳәм музлатқышқа ийе болған шөлкем шөлкемлестириў бойынша тийисли усыныс киргизиў ўазийпасы жүкленди. Тахтакөпир, Қоңырат ҳәм Қанлыкөл районларында әмелге асырылатуғын усы жойбарларда жергиликли исбилерменлер менен бир қатарда Әндижан, Ферғана ҳәм Наманган ўәлиятларынан да исбилерменлер қатнасатуғыны белгилеп берилген еди.

Фото: Тахтакөпирде ферғаналы фермерлер жумыс ислемекте

 

Белгиленген ўазыйпалардың барысы бойынша Тахтакөпир районы Аўыл ҳәм суў хожалығы бөлими баслығы Азат Хожамуратов былай дейди:

- Усы тапсырма бойынша, бүгинги күни Тахтакөпир районына Ферғана ўәлаятынан келип ислеўши дийханлар шарўашылықты раўажландырыўы ушын мәселе қойылды. Районда 12 мың гектар захира жер майданларымыз бар еди. Соннан 5 мың 290 гектар жерге 39 фермер хожалығы шөлкемлестирилди ҳәм жер ажыратып берилди. Солардан, «Фарғона азот», «Фарғона ёғ-мой», «Фарғона спирт», Ферғананың нефти қайта ислеўши заводлары шөлкемлестириўши есабында кредит алып шарўашылықты раўажландырыў ушын өз есабынан шарўа малларын әкеледи. Ҳәзир фермерлер жерлерин алып, жумыс ислеп баслады. 2018-жыл 1-апрель ҳалатына ферғаналы 39 фермер хожалықтың 12си ғәлле егиў ушын шәртнама иследи. Усы 12 фермердиң ишинен 3 фермер ашшы бурыш жетистириў бойынша коммерциялық кредит алып, районда ҳәрекетсиз турған теплицаны алып ашшы бурыш нәллерин жетистирип атыр, дейди бөлим баслығы.

Ферғананың Риштон районынан келген Ҳаётжон Мамадалиев Тахтакөпирде «Фар-Хушнид-Диёр» көп тармақлы фермер хожалығын шөлкемлестирген. Ҳаётжон ҳәзирги ўақытта досты Жумақўзи ҳәм иниси менен биргеликте районнан 105 гектар жер алып өз жумысын баслап жиберген. 1-апрельде ол жумыс ислеп атырған теплицада болдық. 77х50м болған теплицада шама менен 30 гектар жерге егилетуғын ашшы бурышты туқымынан егип, нәл ҳалына келтириў менен бәнт екен. 

Фото: Тахтакөпирде ферғаналы фермерлер жумыс ислемекте

 

Фото: Тахтакөпирде ферғаналы фермерлер жумыс ислемекте

 

Фото: Тахтакөпирде ферғаналы фермерлер жумыс ислемекте

 

- Бул жер менен Ферғананың шәраятлары ҳақыйқаттан да ҳәр қыйлы. Бизлер бетке салыстырғанда бул жақта еки айдай парқ қылады екен, - дейди Ҳаётжон, - районда 105 гектар жерге пахта, бийдай, мәкке, ашшы ҳәм душшы бурыш, соя егежақпыз. Қол күшиниң бәрин усы жердиң жергиликли халқынан алып атырмыз. Ҳәр бир адамға күниге 20-25 мың сўм пул берип жумыс алып бармақтамыз, - дейди дийхан.

Фото: Тахтакөпирде ферғаналы фермерлер жумыс ислемекте

 

Фото: Тахтакөпирде ферғаналы фермерлер жумыс ислемекте

 

Фото: Тахтакөпирде ферғаналы фермерлер жумыс ислемекте

 

Фото: Тахтакөпирде ферғаналы фермерлер жумыс ислемекте

 

Фото: Тахтакөпирде ферғаналы фермерлер жумыс ислемекте

 

Фото: Тахтакөпирде ферғаналы фермерлер жумыс ислемекте

 

Қарақалпақстанның ҳаўа райы Ферғана менен салыстырғанда өзгешелиги себеп, 1-апрель күни көпшилик фермерлер еле Ферғанадан келмеген екен. Солай болса да, шарўашылық пенен шуғылланыў ушын Ферғананың Фурқат районынан бала-шағасы менен келген Муротжон Толиповты ушыраттық.

 

Фото: Тахтакөпирде ферғаналы фермерлер жумыс ислемекте

 

Фото: Тахтакөпирде ферғаналы фермерлер жумыс ислемекте

 

Фото: Тахтакөпирде ферғаналы фермерлер жумыс ислемекте

 

Фото: Тахтакөпирде ферғаналы фермерлер жумыс ислемекте

 

Муротжон Толипов Тахтакөпирде «Фар Рўзихон она» көп тармақлы фермер хожалығын шөлкемлестирген. Ферғанада 1998-жылдан берли фермерликти баслаған дийхан Тахтакөпирдиң жерлерине көбирек мийнет керек екен дейди. Тахтакөпирде усы жылдың январь айынан баслап жасап атырған Муротжон Толипов шарўаның ең дәслеп от-жем базасы жақсы болыўы кереклигин айтты. Ол сырттан алып келинетуғын нәсилли малларды бағыў, оларды көбейтиў ушын от-жем болатуғын дақылларды егиўди режелестирген.

- Ҳәзирше Эстониядан мал алып келемиз, - дейди Муротжон Толипов, - сол малдың өнип өсиўине қарап, кейин ала 100 ден артық қара мал алып келемиз. Тийкарынан сүтли ҳәм гөшли малларды алып келиўди мақсет еткенбиз.  Тек ғана бир шарўашылық емес, жердиң 11 гектарына пахта, 33 гектарына бийдай, 10 гектарға шарўа ушын от-жем, 5 гектарға соя, усы қурақым жерге гүнже, мәш егемиз. Буннан тысқары, 1 гектардан гешир, картошка, бурыш, 50 сотых жерге помидор ҳәм тағы басқа дақылларды егемиз, - дейди ол.

 

Фото: Тахтакөпирде ферғаналы фермерлер жумыс ислемекте

 

Фото: Тахтакөпирде ферғаналы фермерлер жумыс ислемекте

 

Фото: Тахтакөпирде ферғаналы фермерлер жумыс ислемекте

 

Фото: Тахтакөпирде ферғаналы фермерлер жумыс ислемекте

 

Фото: Тахтакөпирде ферғаналы фермерлер жумыс ислемекте

 

Ферғанадан келген фермерлерге Тахтакөпир районы ҳәкимияты  бос турған имаратларды жасаў ушын ажыратып берген. Биз бенен сәўбетлескен еки фермер де, олардың жақынлары да районда олар ушын жаратылған шәраятлардан ырза.

Тахтакөпир районында аўыл хожалық тараўында исленип атырған жаңалықлар жүдә көп екен. Булардың ҳәммеси ҳаққында еле де толығырақ мағлыўмат берип барамыз.

Фото: Тахтакөпирде ферғаналы фермерлер жумыс ислемекте

 

Фото: Тахтакөпирде ферғаналы фермерлер жумыс ислемекте

 

makan.uz сайты бул интервьюди шөлкемлестириўде жақыннан жәрдем бергени ушын Тахтакөпир район ҳәкимиятына, Аўыл ҳәм суў хожалығы бөлимине рахмет айтады.

 

Лола Қаллыханова,

журналист

 

скачать dle 10.6фильмы бесплатно



  • 17-04-2018, 23:19 |
  • 896