Тахтакөпирде бес шарўашылық комплекси қурылады

Тахтакөпирде бес шарўашылық комплекси қурылады

 

Өзбекстан Республикасы Президентиниң 2019-жыл 7-ноябрьдеги «Қарақалпақстан Республикасында шарўашылық тармақларын жедел раўажландырыў илажлары ҳаққында»ғы қарарының орынланыўын тәмийинлеў бағдарында Тахтакөпир районында усы жылы бес жойбар бойынша шарўашылық комплекси қурылады.

«Қара ой» аўыл пуқаралар жыйыны аймағындағы «Сейт шарўа» фермер хожалығында ҳәр бири 100 бас қарамалға мөлшерленип қурылып атырған комплекс усылардан бири болып табылады. Буның ушын «Халық банки»ниң районлық филиалынан 9,5 миллиард сум кредит ажыратылып, сырт еллерден 200 бас нәсилли қарамал алып келинеди.

-Бүгинги күни қурылыс жумыслары жедел алып барылмақта,-дейди фермер хожалығынының баслығы Сейтмурат Давлетов.- Район ҳәкиминиң қарары менен 210 гектар егислик жер майданы ажыратылып, соннан 22 гектарына мәкке, 28 гектарына жоңышқа егилиди. Усының есабынан 13 мың дана жоңышқа пресс таярланды. Бул жумыслар ушын 14 дана аўыл хожалығы техникасы менен агрегаты сатып алынды.

Тахтакөпирде бес шарўашылық комплекси қурылады

 

Жойбар бойынша сүтти қайта ислеў цехын қурыў режелестирилген. Бул бойынша таярлық жумыслары баслап жиберилип, Россия Федерациясыдан заманагөй үскенелер алып келинди. Буның менен шекленип қалмастан гөшти қайта ислеп, таяр өнимлер ислеп шығарыўды да мақсет еткенбиз. Жойбар толық иске түскеннен кейин 20 адам турақлы жумыс пенен тәмийинленеди.

-Қарар бойынша усы жылы «Дәнияр шарўа»,  «Әмирабат Мансурбек шарўа», «Ҳүрлиман шарўа» ҳәм «Досым шеге» фермер хожалықларында да усындай шарўашылық компекси қурылады,-дейди Тахтакөпир районы «Нәсил шарўа» бөлиминиң баслығы Бердияр Қалыбаев.-Усы комплекслерге Германия, Эстония, Австрия ҳәм Беларусь мәмлекетлеринен жәми 596 бас нәсилли қарамал алып келинеди.

Тахтакөпирде бес шарўашылық комплекси қурылады

 

Әмелге асырылып атырған жойбарлар районда шарўашылықты буннан былай да раўажландырыўға, халқымызды арзан ҳәм сапалы шарўашылық өнимлери менен тәмийинлеўге, халықтың бәнтлигин тәмийинлеўге хызмет етеди.

 

Д.АБИБУЛЛАЕВ,

Қарақалпақстан хабар агентлигиниң шолыўшысы.

М.ҲӘБИЙБУЛЛАЕВ тың түсирген сүўретлери.

 

скачать dle 10.6фильмы бесплатно



  • 10-07-2020, 14:38 |
  • 1 671