Шоманайлы ыссыханашылардың табысы ҳаққында

Шоманайлы ыссыханашылардың табысы ҳаққында

 

Шоманай районының “Бегжап” аўыл пуқаралар жыйыны аймағындағы ыссыхананың қыяр өними менен помидор нәллери арзан баҳада ҳәм сапалы етип халыққа жеткерилип берилмекте. Ыссыхананың ис жүргизиўшиси Улуғбек Рахимов перзенти Абрар Рахимов пенен бирге тынымсыз ислеген мийнетлериниң жемисин термекте. Тәбийғый жаңа ғана сабағынан үзилген қыярлар 1 килограммы 4-4,5 мың сум баҳада сатылмақта. Бул жерде 13 хызметкер ҳәмде күнлик 20.000 сум ҳақы алып жәрдем берип атырған 20 жалланба жумысшылар бар.

Шоманайлы ыссыханашылардың табысы ҳаққында

 

Ыссыханада бир күнде түсликтен соң орташа 40 қалта яғный 900 килограмм қыяр териледи. Ең зор ҳасыл берген ўақытлары 2 тоннадан аслам болады. Жетилистирилип атырған қыярлар Голланд сорты. Ҳәр күни  қыяр өз ўақтында терип алынып, түсликке шекем керексиз жапырақлар қырқылып, суў менен араластырып азықландырылады. Ҳәр 40 минуттан компьютер арқалы автоматластырылған түрде суўғарылған ыссыханаға бир суткада 57 тонна фильтрленген ҳәм ишимлик суўы сарыпланады.

Шоманайлы ыссыханашылардың табысы ҳаққында

 

Қосымша және бир гектар ыссыханадағы қыяр нәли қарысқа келип қалған. Ҳасылын терип атырған ыссыхананың жер майданына болса помидор егип декабрьде ел дастурханына жеткерип бермекши.

Қыяр терип, керексиз жапырақларды қырқып таслаў жумысларын ислеп атырған  Камал Тораев, Ғайрат Файзиев, Шайда Сайыпназарова, Роза Шарипова,  Дәметкен Елмуратова, Үмит Султашова ҳәм Нуржамал Аманбаевалардың ғайратланып жумыс ислеўи ис өнимин арттырмақта.

 

Дерек: shomanay.rk.uz

 

скачать dle 10.6фильмы бесплатно



  • 30-04-2019, 16:32 |
  • 812