Шоманайда газонлы киши спорт майданшасы пайдаланыўға берилди

Шоманайда газонлы киши спорт майданшасы пайдаланыўға берилди

 

Жақында Шоманай районы орайында және бир жаңа спорт имараты иске түсирилди. Райондағы жас исбилермен Шавкат Бабаев басшылық еткен «Рита Исмайлова» жеке меншик кәрханасы тәрепинен Халық банкинен 200 миллион сум кредит алып басланған жумсақ газонлы киши футбол майданшасы қурылып, питкерилип пайдаланыўға берилди. Майданша қурылысын «Нурбиби-Жаннат» жуўапкершилиги шекленген жәмийетиниң шебер қоллы қурылысшылары қурып питкерди.

Шоманайда газонлы киши спорт майданшасы пайдаланыўға берилди

 

Жақында усы спорт майданшасының пайдаланыўға берилиўине байланыслы ашылыў салтанаты мәресими өткерилди. Районда белгили исбилермен, усы ислердиң тийкарғы басламасын салған Муратбай Бабаев жақсы нийетлер менен район халқына тилек билдирди. Соңынан спорт майданшасы дәрўазасына тартылған лента кесилип, майданшада ойын басланды. Жәҳән чемпионы Жийенбай аға Қалжанов тәрепинен тебилген топ дәрўазаға өтип, ойын қызғын ҳәўиж алды.

Шоманайда газонлы киши спорт майданшасы пайдаланыўға берилди

 

Солай етип Шоманайлы жаслар және бир спорт имараты түңги жақтыртқыш орнатылған газонлы киши спорт майданшасына ийе болды.

Майданшада ҳәр күни ойынлар өткерилмекте.

 

Қ.НАЎРЫЗОВ.

 

Дерек: Шоманай районы ҳәкимлиги

скачать dle 10.6фильмы бесплатно



  • 25-08-2017, 10:42 |
  • 323