Аўған урысы: Шымбай районынан 182 адам террористлик күшлерге қарсы саўашқа қатнасты

1979-1989-жыллары аралығында Өзбекстаннан Аўғанстан ҳәм басқа да шегара аймақларында 65 мыңға шамалас мәрт азаматлар хызметте болды. Соннан Қарақалпақстаннан 3 мыңға шамалас, ал, Шымбай районынан 182 адам террористлик күшлерге қарсы саўашқа қатнасты.

Аўғанстан урысының тамам болғанлығының 30 жыллығы ҳәм Өзбекстан «Veteran» жаўынгер-ветеран ҳәм майыплар бирлеспеси дүзилгениниң 25 жыллығы  мүнәсибети менен республикамыз бойлап илажлар болып өтпекте.

Бул бирлеспе 1994-жылдың 2-февраль күни дүзилген болып, ол, жаўынгер-ветеранлар, урыс майыплары, қаза тапқан жаўынгерлердиң шаңарақ ағзаларын социаллық ҳәм ҳуқықый жақтан қорғаў, денсаўлығын қайта тиклеў, жумысқа оналастырыў, турақ жай менен тәмийинлеў менен байланыслы мақсетли бағдарламаларды әмелге асырады. Сондай-ақ, жас әўладты әскерий хызметке таярлаўға жәрдемлеседи.

Аўған урысы: Шымбай районынан 182 адам террористлик күшлерге қарсы саўашқа қатнасты

 

Усы сәнеге бағышланып илаж болып өтти. Дәслеп қатнасқасыўшылар район орайындағы «Ҳәсиретли ана» естелигине гүл шеңберлерин қойып, қаза тапқан жаўынгерлерди еслеп, руўҳларына Қуран аятларын оқыды. Буннан кейин олар Күнхожа Ибрайым улы, Бердақ Ғарғабай улы ҳәм Ақымбет бақсылардың қәбирлерин  зияратлады.

Аўған урысы: Шымбай районынан 182 адам террористлик күшлерге қарсы саўашқа қатнасты

 

Соңынан райондағы 8-санлы Балалар музыка ҳәм көркем-өнер мектебинде «Ерлиги елдиң есинде…» атлы саз-сәўбетли кеше шөлкемлестирилди. Кешеде район ҳәкиминиң орынбасары У.Қалиллаев, интернационалист-жаўынгер М.Пиржанов,  Өзбекстан Жаўынгер ветеран интернационалистлер бирлеспесиниң Шымбай районы бойынша ўәкили А.Төремуратов, районлық Қорғаныў бөлими баслығы Ш.Базарбаевлар байрам менен қутлықлады.

Аўған урысы: Шымбай районынан 182 адам террористлик күшлерге қарсы саўашқа қатнасты

 

Соңынан райондағы ресторанда байрам дастурханы жайылып, онда район ҳәкимлиги атынан Ўатан алдындағы перзентлик парызын орынлаған жаўынгерлерге ҳүрмет жарлығы, соның менен саўаш майданында ел тынышлығы ушын гүрескен, мәртлерше қаза болғанлардың шаңарақ ағзаларына саўғалар берилди.

 

Дерек: shimbay.rk.uz

 

скачать dle 10.6фильмы бесплатно



  • 15-02-2019, 11:06 |
  • 532