Шымбайда Олий суд баслығы көшпели қабыллаў өткерди

Шымбайда Олий суд баслығы көшпели қабыллаў өткерди

 

9-августта Шымбай районы «Қәдир ата» фермер хожалығының мәдений дем алыў шертегинде Өзбекстан Республикасы Олий Суды баслығы тәрепинен көшпели қабыллаў өткерилди.

Көшпели қабыллаўға Өзбекстан Республикасы Олий Суды баслығы Козимджан Камилов, Қарақалпақстан Республикасы Жоқарғы Кеңеси

Комитет баслығы Сағындық Турманов, Қарақалпақстан Республикасы жынаят, пуқаралық ислери, экономика, ҳәкимшилик судлары, район ҳәкими П.Ещанов, райондағы кәрхана-шөлкем басшылары ҳәм ғалаба хабар қураллары хызметкерлери қатнасты.

Шымбайда Олий суд баслығы көшпели қабыллаў өткерди

 

Онда Өзбекстан Республикасы Олий Суды баслығы К.Камилов Өзбекстан Республикасы Президенти тәрепинен суд-ҳуқық системасына киргизилген өзгерислер, халық мәпи ушын жаратылған имканиятлар, суд процесси ўақтында қолланылатуғын ахборот-технологияларының абзаллықлары ҳәм басқалар ҳаққында айтып өтти. Сондай-ақ, халық арасында өткерилип атырған бундай ашық ҳәм көшпели судлардың әҳмийети ҳаққында пуқараларға анық дәлиллер менен түсиндирип берди.

Буннан соң сөзге «Мәҳәлле» қайырқомлық жәмийетлик фонды районлық бөлими баслығы Б.Абдуллаев, Қарақалпақстан Республикасы Министрлер Кеңеси Баслығының орынбасары, республикалық Ҳаял-қызлар комитети баслығы З.Ибрагимовалар шығып, бул бүгинги күнде суд-ҳуқық системасында киргизилип атырған өзгерислер ҳаққында өзлериниң пикир-усынысларын билдирди.

Шымбайда Олий суд баслығы көшпели қабыллаў өткерди

 

Ушырасыўдан соң көшпели қабыллаў өткерилип, пуқаралардың суд системасына байланыслы мүражатлары тыңланып, оларға судларға мүражат етиў тәртиби ҳаққында түсиниклер берилди.

 

Раўаж УТЕПБЕРГЕНОВ.

Шымбай районы

 

скачать dle 10.6фильмы бесплатно



  • 10-08-2018, 09:21 |
  • 305