Шымбай районы ҳәкими: район бойынша 5 жас өспирим профилактика есабында тур

Усы жыл 27-декабрь күни Өзбекистан Республикасы Президентиниң Мәмлекетлик мәсләҳәтшиси, Өзбекистан Жаслар аўқамы Орайлық Кеңеси баслығы Қаҳраман Қуранбаевтың қатнасыўында жас өспиримлер менен ислесиўши мәкемелерара республика комиссиясының видеоселекторы болып өткен еди.

Усы видеоселектордан келип шығып, берилген тапсырмалардың орынланыўы бойынша район ҳәкимлигиниң мәжилислер залында илаж болып өтти. Бул ҳаққында район ҳәкимлиги хабар бермекте. Оған район ҳәкимлиги жанындағы жас өспиримлер менен ислесиўши комиссия қурамы, мәкеме-кәрхана басшылары қатнасы. Онда район ҳәкими О.Қазақбаев шығып сөйлеп, бул бағдарда исленип атырған жумыслар бойынша кең түрде айтып өтти.

Мағлыўматта айтылыўынша, районда 113 мыңнан аслам халық болып, соның ишинде 35 мыңға шамаласы жас өспиримлер қурайды. Соннан 3540 бала мектепке шекемги билимлендириў мәкемесинде, 17388 оқыўшы билим бериў мектеплеринде, ал, 3454 оқыўшы Академиялық лицей ҳәм кәсип-өнер колледжлеринде тәлим алмақта. Сондай-ақ, районда 2017-жыл даўамында жас өспиримлер арасында жынаятшылық жүз бермеди. Деген менен бүгинги күнде 5 жас өспирим ҳәр қыйлы ҳуқықбузарлықлар ислеп Ишки ислер бөлиминиң профилактика есабында турыпты.

скачать dle 10.6фильмы бесплатно



  • 29-12-2017, 15:08 |
  • 443