Қоңырат районы прокуратурасының 7 ай бойынша есабаты

Қоңырат районы прокуратурасы тәрепинен усы жылдың жети айы даўамында исбилерменлердиң ҳуқық ҳәм нызамлы мәплерин қорғаўды тәмийинлеўге байланыслы Өзбекистан Республикасы Президентиниң Пәрман ҳәм қарарлары, сондай-ақ, ҳүкиметлик қарарлардың орынланыўы, соның ишинде Президентимиздиң 2016-жыл 5-октябрь күнги «Исбилерменлик жумысының жедел раўажланыўын тәмийинлеўге, жеке мүлкти ҳәр тәреплеме қорғаўға ҳәм исбилерменлик орталығын сапа жағынан жақсылаўға байланыслы қосымша илажлар ҳаққында»ғы Пәрманының орынланыўы үстинен қадағалаў орнатылып, бул бойынша нәтийжели илажлар әмелге асырылмақта.

Район бойынша усы жылдың жети айы даўамында 634 исбилерменлик субъектлер мәмлекетлик дизимнен өткен болып, соннан 209 ы юридикалық ҳәм 425 и жеке тәртиптеги исбилерменлик субъектлер болып есапланады. Соның ишинде өткен дәўир даўамында 168 исбилерменлик субъектлери өз жумысларын қайта тиклеген болса, ра­йон прокуратурасы тәрепинен алып барылған ҳуқықый үгит-нәсият жумыслары даўамында жаңадан 10 исбилерменлик субъектлери шөлкемлестирилип, 12 жаңа жумыс орынлары ашылды. Сондай-ақ, районда 42 исбилерменлик субъектлердиң мәселелери район прокуратурасы тәрепинен тийисли шөлкемлер қатнасыўында үйренип шығылып, 21 исбилерменлик субъектлериниң машқалалары шешилип, бесеўине 879,0 миллион сум муғдарында кредит ажыратылыўына, онына коммунал хызметлерине жалғаныўына, биреўине лицензия алыўы ҳәм жер майданы ажыратылыўына, және биреўине шәртнама тийкарында бина алыўына ҳәм үшеўине басқа мәселелерде әмелий жәрдемлер берилип, нәтийжеде 13 қосымша жаңа жумыс орынлары жаратылды. Атап айтқанда, «Альян» фермер хожалығы тәрепинен халыққа транспорт хызметин көрсетиў мақсетинде жаңадан автобус сатып алыў ушын АК «Қишлоққурилишбанк» Қоңырат филиалы тәрепинен 600,0 миллион сум кредит алыўына жәрдем берилген болса, жеке исбилермен Шаҳноза Балтабаеваның кредит пулларын пластик карточкасына өткерип бериў ҳәм ижараға имарат табыўдағы маш­қаласының шешилиўин сорап жазған мүрәжаты бо­йынша жеке исбилермен Ш.Балтабаеваға АК «Қишлоққурилишбанк» Қоңырат филиалы тәрепинен кредит пулы пластик карточкаға өткерип берилмеслиги түсиндирилип, оған 19.01.2017-жылда жыллық 4,5 процент  пенен үш жыл мүддетке 15,0 миллион сум кредит ажыратылып, ижараға бина таўып берилди. Ал, және бир исбилермен Бахтияр Айтбаев өз мүрәжатында  районның Өзбекистан көшеси, номерсиз жайда автотранспорт қуралларына техникалық хызмет көрсетиў жумысы менен шуғылланатуғынлығы, бирақ, электр энергиясы менен байланыслы машқаласының барлығын билдирген. Оның бул мәселеси район прокуратурасы тәрепинен тийисли шөлкемлер қатнасында үйренип шығылып, оған жумысын даўам етиўи ушын жеткерип берилетуғын электр энергиясы 8 кВт көлеминен 17 кВт көлемге көбейтилип берилип, оның мәселеси шешилди ҳәм ол тәрепинен район халқына автотранспорт қуралларына техникалық хызмет көрсетиўде қосымша үш жаңа жумыс орны ашылды ҳәм ҳәзир ол өз жумысын даўам еттирмекте.

Сондай-ақ, прокуратура басламасы менен район аймағында халықты жумыс орны менен тәмийинлеў мақсетинде районлық Бәнтликке көмеклесиў орайы тәрепинен төрт мәрте мийнет ярмаркасы өткерилип, оларда 43, яғный, 9 колледж питкериўшиси ҳәм 34 ўақтынша жумыссыз пуқаралар жумыс пенен тәми­йинленип, қалған 164 колледж питкериўшилери ҳәм ўақтынша жумыссыз пуқараларға тийисли мәс­ләҳәтлер берилди. Ҳәзирги күнде прокуратурамыз тәрепинен  халықтың социаллық жағдайын жақсылаў, машқалаларын нызамлы тәртипте шешиў ҳәм де ҳуқықый саўатлылығын арт­тырыў мақсетинде халық арасында ушырасыўлар шөлкемлестирилип, ҳуқықый үгит-нәсият ислери әмелге асырылмақта.

И.АРЗИЕВ,

Қоңырат районы прокуроры, әдиллик кеңесшиси

 

Дерек: erkinkarakalpak.uz

скачать dle 10.6фильмы бесплатно



  • 24-08-2017, 14:43 |
  • 271