Қоңыратта «валютчик» теңге алмастырып атырған ўақытта усланды

1983-жылы туўылған Қоңырат районындағы «Алтынкөл» посёлкалық пуқаралар жыйыны аймағында жасаўшы пуқара Нигара Абдуллаева да (аты-жөни өзгертип алынды) «Қоңырат саўда ком­плекси» ЖШЖ аймағында нызамсыз түрде валюта алмастырыў менен шуғылланып келген.

2017-жылы 21-февраль күни Өзбекистан Республикасы Бас прокуратурасы жанындағы Салық, валютаға байланыслы жынаятларға ҳәм жынайый дәраматларды легалластырыўға қарсы гүресиў Департаменти Қанлыкөл ҳәм Шоманай районлық бөлимлери ҳәм де Қоңырат районлық Ишки ислер бөлиминиң хызметкерлери менен биргеликте өткерилген тексериў нәтийжесинде Н.Абдуллаева пуқара Ш.Алламуратоваға (аты-жөни өзгертип алынды) нызамсыз түрде 90 000 (тоқсан мың) Қазақстан теңгесин жәми 1 980 000 (бир миллион тоғыз жүз сексен мың) сумға сатып атырған пайытында қолға алынды. Бул ҳәрекетлери менен Н.Абдул­лаева Өзбекистан Республикасы Ҳәкимшилик жуўапкершилик ҳаққындағы кодексиниң 170-статья­сында нәзерде тутылған ҳуқықбузарлықты әмелге асырған.

 

Ж.ҚУРБАНБАЕВ,

Өзбекистан Республикасы Бас прокуратурасы жанындағы Салық,

валютаға байланыслы жынаятларға ҳәм жынайый дәраматлардылегалластырыўға

қарсы гүресиў Департаменти Қанлыкөл районлық бөлими инспекторы

 

 

Дерек: erkinkarakalpak.uz

скачать dle 10.6фильмы бесплатно



  • 3-08-2017, 09:08 |
  • 682