Қоңырат районы ҳәкимлигиниң рәсмий жуўабы

 

Блогер Б.Қадирбергеновтиң телеграм каналында Қоңырат районында карантин қағыйдаларының бузылғанлығы бойынша сын видеокөринис жәрияланды. Видеокөринисте автобуста пуқаралардың аралық қашықлықты сақламастан автобус ишинде турғанлығы көрсетилип өтилген.

Бул бойынша үйренилиў жумыслары алып барылып, төмендегилер анықланды.

Бүгинги пандемия шараятында күнлик жумыс пенен бәнт болған көпшилик шаңарақлардың күнделикли дәрамат дерегинен ажыралып қалғанлығы ҳәм материаллық жақтан қыйыншылықларға дус келип атырғанлығы бәршемизге белгили.

Әйне усындай шаңарақларды қоллап-қуўатлаў ҳәм оларды жәмийетлик жумысларға жайластырыў арқалы бәнтлигин тәмийинлеўге үлкен итибар қаратылмақта.

Видеокөринистеги пуқаралар жәмийетлик жумысқа жайластырылған пуқаралар болып, бул жағдай бойынша фермер хожалықлары баслықларына ҳәм автобус басқарыўшыларына карантин қағыйдаларына әмел қылыў бойынша ескертилди ҳәм алдағы ўақытлары бундай жағдайларды болдырмаў бойынша түсиник жумыслары алып барылды.

Қоңырат районы ҳәкимлиги ҒХҚ ҳәм блогерлер менен бәрҳама жақыннан бирге ислесиўге таяр екенлигин, ҒХҚ ҳәм блогерлердиң жәмийетимиздеги машқалаларды жарытып,  оларды сапластырыў жолындағы ҳәрекетлерин қоллап-қуўатлайтуғынлығын билдиреди.

 

Қоңырат районы ҳәкимлиги Мәлимлеме хызмети

 

скачать dle 10.6фильмы бесплатно



  • 6-06-2020, 18:59 |
  • 2 742