Қараөзек районы ҳәкимине еки орынбасар тайынланды

 

2018-жылдың 27-февраль күни район ҳәкимлигиниң мәжилислер залында халық депутатлары  Қараөзек  районлық Кеңесиниң отыз төртинши сессиясы болды.

Сессияға Халық депутатлары Қараөзек районлық Кеңеси депутатлары, мекеме, кәрхана, жәмийетлик шөлкемлер  ҳәм, пухаралар жыйынлары басшылары қатнасты.

Сессияны халық депутатлары Қараөзек районлық Кеңеси баслығы Д.Утемуратов ашты ҳәм басқарып барды.

Сессия  күн тәртибинде бес мәселе қаралды.

1.Босаған орынларға сайланған депутатларды тастыйықлаў ҳаққында.

2.Қараөзек районы жергиликли бюджетиниң 2017-жыл даўамында орынланыўы ҳаққында.

3.Қарақалпақстан Республикасы Жоқарғы Кеңеси Баслығының 2018-жыл 29-январь күнги «С.Б.Досбергеновты Қараөзек районы ҳәкиминиң орынбасары-аўыл ҳәм суў хожалығы бөлими баслығы лаўазымына тайынлаў ҳаққында»ғы 355-Б-санлы бийлиги тастыйықлаў ҳаққында.

4.Қарақалпақстан Респуьликасы Жоқарғы Кеңеси Баслығының 2018-жыл 10-февраль күнги «М.К.Сайжановты Қараөзек районы ҳәкиминиң санаатты раўажландырыў, капитал қурылыс, коммуникациялар ҳәм комуннал хожалығы мәселелери бойынша орынбасары лаўазымына тайынлаў ҳаққында»ғы 367-Б-санлы бийлигин тастыйықлаў ҳаққында.

5.Қарақалпақстан Республикасы Жоқарғы Кеңеси Баслығының 2018-жыл 19-февраль күнги «Давлетназаров Алишер Аскаровичти Қараөзек районы ҳәкиминиң жаслар сиясаты, социаллық раўажландырыў ҳәм руўхый-ағартыўшылық ислери бойынша орынбасары лаўазымынан босатыў ҳаққында»ғы 375-Б-санлы бийлиги тастыйықлаў ҳаққында.

Мәселелер көрип шығылды ҳәм тийисли шешим қабыл етилди. Бул ҳаққында район ҳәкимлиги хабар берди.

скачать dle 10.6фильмы бесплатно



  • 2-03-2018, 14:29 |
  • 581