Қанлыкөл районындағы 4-сектордың әмелге асырған жумыслары ҳаққында

 

Қанлыкөл районындағы 4-сектордың әмелге асырған жумыслары ҳаққында

 

Ҳүрметли Президентимиздиң 2017-жыл 8-августтағы «Аймақлардың жедел социал-экономикалық раўажланыўын тәмийинлеўге байланыслы ис-илажлар ҳаққында»ғы арнаўлы қарары тийкарында, алып барылып атырған жумыслар барысында, Қанлыкөл районлық мәмлекетлик салық инспекциясына 4-сектор («Қанлыкөл» посёлкалық пуқаралар жыйыны, «Дослық» мәкан пуқаралар жыйыны ҳәм «Арзымбет қум» аўыл пуқаралар жыйыны) аймақлары бириктирилген болып, аймақларда 2180 хожалық болып, оларда 11408 пуқара жасайды, соннан 901 пенсионер, 515 кем тәмийинленген ҳәм жәрдемге мүтәж хожалықлар, 342 майыплығы бар болған пуқаралар, 5 жалғыз баслы пенсионерлер жасап келмекте.

Бул сектордың тийкарғы мақсети пуқаралардың машқалаларын үйренип шығыў, сол машқалаларды орнында шешиў ҳәмде халқымыздың турмыс жағдайын буннан да былай жақсылаўдан ибарат ўазыйпаларды әмелге асырыў ушын районлық мәкеме, кәрхана ҳәм өзин-өзи басқарыў органлары басшылары қатнасындағы жәми 26 ағзадан дүзилген исши топар менен биргеликте ҳәр шеректе машқалаларды уйренип шығыў бойынша тийисли тәртипте кестелер исленген.

Сондай-ақ, сектор аймағындағы 152 пуқараға жеңиллетилген кредит алыўына әмелий жәрдем көрсетилди, 5 майыплығы болған пуқараларға майыплар арбашалары алып берилди. Көшелерди жақтыландырыў, асфальтлаў ҳәм ишимлик суў менен тәмийинлеў жумыслары тастыйықланған кесте тийкарында алып барылмақта. Усы жылдың өткен дәўиринде 1308,0 млн сўмлық 8,35 км узынлықтағы 18 көше асфальтланды, «Дослық» мәкан пуқаралар жыйыны ҳәм «Арзымбет қум» аўыл пуқаралар жыйынында 848,1  сўмлық 7,5 км ишимлик суў трассасы тартылды.

Буннан тысқары «Арзымбет қум» аўыл пуқаралар жыйыны аймағындағы аўыллық шыпакерлик пункты аўыллық шаңарақлық поликлиникасына айландырылып, усы поликлиникаға 800,0 млн сўмлық реконструкция жумыслары исленди, имарат жанына қосымша имаратлар қосылды, «Тез жәрдем» хызмети иске түсти ҳәм жаңадан ашылған орынларда 4 пуқара жумыс пенен тәмийинленип, медициналык хызмет сапасы артты.

Сектор аймағында бүгинги күнде де белгиленген ис-режеге тийкарында жумыслар даўам етпекте.

 

Дерек: kanews.uz

скачать dle 10.6фильмы бесплатно



  • 18-10-2018, 11:37 |
  • 229