Қанлыкөлде халықтың мүрәжатлери унамлы шешилмекте

 

Қанлыкөлде халықтың мүрәжатлери унамлы шешилмекте

 

Қанлыкөл районы аймағындағы 1-сектор баслығы, район ҳәкими М.Қосназаров, 3-сектор баслығы районлық ишки ислер бөлими баслығы Қ.Қабулов,  Өзбекстан Республикасы Президентиниң Қанлыкөл районы Халық қабыллаўханасы районлық бөлими баслығы Б.Аллабергеновлар тәрепинен аймақта машқалалы мәселелерди шешиў, физикалық ҳәм юридикалық шахслардың мүрәжатлери менен танысыў, көрип шығыў ҳәм ушырасып атырған машқалалардың шешимин табыў мақсетинде, райондағы «Қанлыкөл» ҳәм «Наўрыз» аўыл пуқаралар жыйынлары аймағында «Көшпели қабыллаў»  шөлкемлестирилди. Бул ҳаққында район ҳәкимлиги хабар берди.

«Көшпели қабыллаў»да «Қанлыкөл» аўыл пуқаралар жыйыны аймағынан К.Узақбергенов аймақта ишки жолларды оңлаў, Ж.Атабаев жасы бойынша напақасын қайта есапласыў, Ю.Шарапов шарўашылық ушын жер ажыратыў, А.Турдыбеков жеңиллетилген  кредит алыў, П.Қудайназарова бағыўшы жоқлығы себепли қыйтақ жерин егиўде әмелий жәрдем бериў, «Наўрыз» аўыл пуқаралар жыйыны аймағынан Г.Палўашева жумыссызлығы бойынша жәмийетлик тийкарындағы жумысқа алыў, Э.Искендерова турақ жайын оңлаў, А.Палўанов турақ жай алыўда әмелий жәрдем бериў сыяқлы пуқаралардың бир қатар мүрәжатлери тыңланды.

«Көшпели қабыллаў» даўамында билдирилген аймақ пуқараларының мүрәжатларына сол ўақыттың өзинде шешим табылып, басқа мүрәжатларды шешиў бойынша тийисли мекемелер басшыларына көрсетпелер берилди.

Буннан тысқары, ушырасыўлар шеңберинде, аймақларда биринши нәўбетте мәмлекетлик мекемелердиң жуўапкершилигин күшейтиў, халық пенен ашық пикирлесиўди жолға қойыў, ҳәр бир мүрәжатқа айрықша итибар қаратыў, унамлы шешиў ҳәмде халықтың кем тәмийинленген қатламын социаллық қоллап-қуўатлаў, ден-саўлығын жақсылаў, бәнтлигин тәмийинлеў, жаңа жумыс орынларын шөлкемлестириў, киши бизнес, жеке ҳәм шаңарақлық исбилерменликти раўажландырыў, қоллап-қуўатлаў, халықтың ҳуқықый саўатқанлығын асырыў бойынша жаңадан қабыл етилип атырған нызамлар ҳәм норматив ҳүжжетлер менен таныстырыў, түсиндириў бойынша үгит-нәсият жумыслары алып барылмақта.

 

скачать dle 10.6фильмы бесплатно



  • 24-05-2018, 23:09 |
  • 90