Қанлыкөл районы «Мәҳәлле» жәмәәтшилик фонды жумысларының есабаты

 

Қанлыкөл районы «Мәҳәлле» жәмәәтшилик фонды жумысларының есабаты

  

Қанлыкөл районында пуқаралардың өзин-өзи басқарыў уйымлары жумысларын муўапықластырыў бойынша районлық кеңесинде атқарыўшылық тәртиби ҳәм 2018-жыл I-шеректе исленген жумыслар ҳаққындағы есабатлары тыңланды.

Есабатларда «Мәҳәлле» жәмәәтшилик фонды районлық бөлими тәрепинен алып барылған илажлар айтып өтилди.

Район аймағында жәми 1313 кем тәмийинленген шаңараклар, 388 бағыўшысын жоғалтқан шаңарақлар, 6 тынышсыз шаңарақлар, 54 ишкиликке бейим шаңараклар дизими қәлиплестирилип, олар арасында түрли илажлар, үгит-нәсият жумыслары алып барылмақта.

2018-жыл I-шерек даўамында мийнетке жарамсыз социаллық қорғаўға мүтәж кем тәмийинленген пуқараларға саламатлығын тиклеў ушын 689 мың сўм қаржылай жәрдемлер, бағыўшысын жойтқан шаңарақлардың перзентлерине 420 мың сўмлық кийим-кеншеклер, 48 шаңараққа 32 млн 727 мың сўмлық, 36 шаңараққа 36 дана газ плита, 39 шаңараққа 32 млн 600 мың сўмлық саўғалар тарқатылды.

Өзбекстан Республикасы Президентиниң 2016-жыл 28-декабрьдеги ПФ-4906-санлы Пәрманы тийкарында, пуқаралар жыйынлары баслығының кекселер ҳәм нураныйлар жумыслары бойынша орынбасарлары, 2017-жыл 3-февралдағы ПФ-4944-санлы Пәрманына муўапық, пуқаралардың өзин-өзи басқарыў уйымлары жумысларын муўапықластырыў бойынша аймақлық кеңеслерде «Нураныйлер жәмийетшилик кеңес»лери дүзилип, кеңес тәрепинен «Ең белсенди кекселер ҳәм нураныйлар ислери бойынша мәсләҳәтши», «Жәмийетлик қадағалаў ҳәм тутыныўшылардың ҳуқықларын қорғаў мәселелери бойынша ең үлгили комиссия» көрик-таңлаўлары менен  «Өз үйиңди өзиң сақла», «Үш әўлад ушырасыўы», «Қарыясы бар шаңарақ-пайызлы шаңарақ», «Нураныйлар-шаңарақ таянышы» ҳәм «Қарыялар дуўасын алайық» темаларында үгит-нәсият илажлары өткерилди.

Сондай-ақ, жынаятшылық ҳәм ҳуқықбузарлықлар бойынша профилактика есабындағы 4 жас өспиримнен 2 өзиниң жақсы минези менен есаптан шығарылды.

Буннан тысқары, «Ата-аналар университетлери жумыслары нәтийжелигин асырыў мәселелери», «Шаңарақлар беккемлигин тәмийинлеўде, Жарастырыў комиссияларының орны», «Мәҳәллелерде руўҳый ағартыўшылық жумысларын күшейтириўдиң шөлкемлестириў-ҳуқыйқый механизмлери», «Мәҳәлледе не гәп?» сыяқлы темаларда оқыў семинарлары өткерилди.

Районда 28 жалғыз баслы нураныйлар болып, олардан хабар алынып мәмлекетимиз ҳәм район ҳәкимлиги тәрепинен азық-аўқатлар менен саўғалар берилип келинбекте.

Есабат мәжилиси жуўмағында, пуқаралардың өзин өзи басқарыў уйымлары жумысларын муўапықластырыў бойынша алып барылатуғын илажлар ҳәмде алдағы ўазыйпалар белгиленип алынды.

 

Дерек: Қанлыкөл район ҳәкимлиги

 

скачать dle 10.6фильмы бесплатно



  • 17-05-2018, 12:34 |
  • 44