ҚМУ студенти жазған сын мақалаға Қанлыкөл районы ҳәкимлигиниӊ рәсмий жуўабы

«Қарақалпақстан жаслары» газетасы 2019-жыл 21-ноябрь күни №47 санында, Бердақ атындағы Қарақалпақ мәмлекетлик университетиниӊ журналистика тәлим бағдары студенти Умида Нурлыбаева авторлығында жазылған «Бул жер еле зор болады (ма)?» атамасында мақала жәриялады.

ҚМУ студенти жазған сын мақалаға Қанлыкөл районы ҳәкимлигиниӊ рәсмий жуўабы

 

Бул жағдай бойынша район ҳәкимлиги төмендегише мағлыўмат береди.

Қанлыкөл районы аймағындағы көшелер ҳәм хожалықлар аралық ишки жолларда оӊлаӯ жумыслары, мәмлекетлик Дәстүр тийкарында, избе-излик пенен әмелге асырылып, халықтыӊ көп пайдаланатуғын жолларында, биринши нәӯбетте, қурылыс оӊлаӯ жумысларын алып барыӯ нәзерде тутылған.

  Өзбекстан Республикасы Президенти Ш.М.Мирзиёев басшылығында 2019-жыл 22-февраль күни өткерилген видеоселектор тапсырмаларына муӯапық, Қанлыкөл районын комплексли социаллық-экономикалық раӯажландырыӯ бағдарламасы шеӊберинде, район орайында жайласқан Алтынкөл гүзары ҳәм Ғәрезсизлик көшелеринде, сондай-ақ, «Абат аӯыл» бағдарламасы негизинде, быйылғы жылы 3 аймақта, яғный, «Наӯрыз», «Қосжап» ҳәм «Арзымбетқум» аӯыл пуқаралар жыйынларыныӊ ишки жолларында оӊлаӯ жумыслары әмелге асырылмақта.

Ал, «Дослық» мәкан пуқаралар жыйыны (мақалада 1-санлы мәкан пуқаралар жыйыны деп келтирилген) аймағы болса, 2020-2021-жылларға мәнзилли Дәстүрге киритиӯ ушын усыныслар дизиминде  берилгенлигин ҳәмде бул бағдардағы қурылыс оӊлаӯ жумыслары басқышпа-басқыш әмелге асырылатуғынлығын  билдиремиз.

 

Қанлыкөл районы ҳәкимлиги Мәлимлеме хызмети

 

скачать dle 10.6фильмы бесплатно



  • 25-11-2019, 21:03 |
  • 2 819