Нөкис районы Мәмлекетлик хызметлер орайы тәрепинен усы жылдың 6 айы даўамында исленген жумыслар ҳаққында

Бүгинги күнде Нөкис районы мәмлекетлик хызметлер орайы тәрепинен 2019-жылдың 6-айы даўамында физикалық ҳәм юридикалық шахслардан жәми 17435 мүрәжат қабыл етилди. Соннан физикалық шахслардан 16533 мүрәжат, юридикалық шахслардан 516 мүрәжат қабыл етилип, бул мүрәжатлар өз ўақтында сапалы орынланды. Орай тәрепинен өткен 2018-жылдың 6 айында жәми 2260 мүрәжатлер қабыл етилип усы жылға салыстырғанда 7,71 есеге көбейип, мәмлекетлик хызметлер санының көрсеткиши асқанына дәлийл бола алады.

Сондай-ақ орай тәрепинен барыў қыйын болған МПЖ, АПЖ аймақларына шығып халық пенен ушырасыў ҳәм семенарлар өткерилип 1413 көшпели мәмлекетлик хызметлер көрсетилди. Орай қәнигелери тәрепинен 2019-жылдың алты айы даўамында 6 мәрте телевидениеден, 9 мәрте радиодан еситтириўлерден шығып ҳәм 10 мәрте газетадан, 11 мәрте веб сайтлардан мақалалар шығарылды.

Нөкис районы Мәмлекетлик хызметлер орайы тәрепинен Өзбекстан Республикасы Министрлер Кабинетиниң «Исбилерменлик субъектлерин мәмлекетлик дизимнен өткериў тәртиби ҳаққында»ғы 2017-жыл
9-февральдағы 66-санлы қарарына тийкар исбилерменлик субъектлерин мәмлекетлик дизимнен өткериў бойыншада 2019-жылдың 6-айы даўамында бир қанша жумыслар әмелге асырылды.

Атап айтсақ, юридикалық тәреп сыпатында жаңадан 132, қайта дизимнен
93, жәми 225 юридикалық субъектлер мәмлекетлик дизимнен өткерилди.

Жоқарыда атап көрсетилгенин дизимге алынған юридикалық тәреплердиң ишинде өз шаңарақ ағзалары менен шаңарақ мүлкинен пайдаланылған ҳалда исбилерменлик пенен шуғылланыўшы жаңадан 10 шаңарақлық кәрханалар дизимге алынды.

Ал физикалык тәреп сыпатында жанадан жәми 127, қайтадан 32, жәми
159 жеке тәртиптеги исбилерменлер мәмлекетлик дизимнен  өткерилди.

Жоқарыда атап көрсетилген жеке тәртиптеги исбилерменлерден юиридик шахс дүзбестен шанарақлық исбилерменлик пенен шуғылланыўы ушын жаңадан 12 жеке тәртиптеги шанарақлық исбилермен, 3 өнерментшилик, 32 дийхан хожалығы менен шуғылланыўшы жеке тәртиптеги исбилерменлер мәмлекетлик дизимнен өткерилди.

Өбекстан Республикасы Президентиниң 2018-жыл 20-апрель күнги «Пуқараларды социаллық қоллап-қуўатлаў бойынша қосымша ис-илажлар ҳәмде өз басымшалық пенен қурылған турақ жайларға болған мүлк ҳуқықын тән алыў бойынша бир мәртелик улыўма мәмлекетлик акциясын өткериў ҳаққындағы» ғы ПФ-5421-санлы Пәрманы талапларының орынланыўын тәмийинлеў ҳаққында, Өзбекстан Республикасы Министрлер Кабинетиниң 2018-жыл 21-июнь күнги
461-санлы қарары қабыл етилип бул қарар бойыншада орай тәрепинен жәми
1312 мүрәжат қабыл етилип, булардан 905 пуқаралардың өз басымшалық пенен қурылған турақ жайларға болған мүлк ҳуқықын тикленип район ҳәкиминиң қарары қабыл етилди.

Сондай-ақ, Өзбекстан Республикасы Министрлер Кабинетиниң 2019-жыл 7-июнь күни “Жоқары оқыў орынларына оқыўға кириў ушын ҳүжжетлерди қабыллаў бойынша мәмлекетлик хызметлерин көрсетиўдиң ҳәкимшилик регламентин тастыйықлаў ҳаққында”ғы 468-санлы қарарына тийкар абитуриентлер жоқары оқыў орынларына Мәмлекетлик хызметлер орайлары яки Өзбекстан Республикасы бирден-бир интерактив мәмлекет хызметлери порталы (интернет тармағы) арқалы ҳүжжетлерин дизимнен өткериў белгиленди. Бунда абитуриентлер жоқары оқыў орынларына Өзбекистан Республикасында жайлайласқан қәлеген орайлар арқалы ҳүжжетлерин дизимнен өткериў имканияты жаратылды.

Мәмлекетлик хызметлер орайлары арқалы арқалы ҳүжжетлерин дизимнен өткериўде 5 жоқары оқыў орны белгиленди, яғный;

- Ташкент мәмлекетлик юридикалық университети,

- Қарақалпақ мәмлекетлик университети;

- Гүлистан мәмлекетлик университети;

- Ферғана мәмлекетлик университети;

- Самарқанд мәмлекетлик университети ҳүжжет тапсыра алыўы көрсетилген.

Жоқарыда көрсетилген жоқары оқыў орынларына усы жылдың 15-июнь сәнесинен баслап Нөкис районы мәмлекетлик хызметлер орайы тәрепинен 24 саат даўамаында абитуриентлердиң ҳүжжетлери қабылланбақта ҳәм Нөкис районы мәмлекетлик хызметлер орайы тәрепинен бүгинги қүнге шекем жәми 195 абитуриенттиң ҳүжжетлери қабылланып дизимнен өткерилди.

Бүгинги күнде Нөкис районы мәмлекетлик хызметлер орайы тәрепинен әмелге асырылып атырған жумыслар, топланған тәжрийбе ҳәм үйренилген әмелиятлар халқымызға тез ҳәм сапалы мәмлекетлик хызметлерин көрсетиўде өз нәтийжесин бериўи анық. Сонлықтан пуқараларды мәмлекетимизде бул тараўда жаратылып атырған имкәниятлардан пайдаланған ҳалда, мәмлекетлик хызметлерден кең пайдаланыўға шақырып қаламыз.

 

Б.Ауезов,

Нөкис районы Мәмлекетлик хызметлер

орайы директоры

скачать dle 10.6фильмы бесплатно



  • 15-07-2019, 09:44 |
  • 335