Нөкис районда мәс ҳалда машина айдағанларға жаза тайынланды

Нөкис районы «Тақыркөл» АПЖ аймағындағы Шымбай гүзары жолында пуқара Т.Меңлиев   (мақаладағы фамилия, атлар өзгертип алынды) 2018-жыл 14-август күни саат 9:30лар шамасында «Рионтранс» ЖШЖға тийисли мәмлекетлик белгиси 95 278 НАА болған автомашинасын исеним хатсыз, спиртли ишимлик ишкен мәс ҳалында басқарып киятырғанында ЖҲҚБ хызметкерлери тәрепинен иркилген.

Пуқара Т.Меңлиев Өзбекстан Республикасы Министрлер Кабинетиниң 2015-жыл 24-декабрь күнги 370-санлы қарары менен тастыйықланған ҳәм 2016-жыл 1-март күнинен баслап өз күшине кирген әмелдеги «Жол ҳәрекети қағыйдалары»ның 12-бәнтинде «Айдаўшыға төмендегилер жол қойылмайды: транспорт қуралын мәслик ҳалатында (алкоголь, наркотик затлар пайдаланған ҳәм т.б) сезгирлик ҳәм итибарды пәсейтетуғын дәрилер тәсиринде, жол ҳәрекет қәўипсизлигине қәўип туўдыратуғын дәрежедеги шаршаў ҳәм бийтап ҳалатында басқарыў» ҳәм «Жол ҳәрекети қәделери»ниң 7-бәнтиндеги «Механик транспорт қуралын айдаўшысы ўақтыншалық басқарыў ҳуқықын бериўши талон яки ўақтыншалық рухсатнама менен транспорт қуралын басқарыўда айдаўшының шахсын тастыйықлаўшы ҳүжжетин қасында алып жүриўи шәрт» деп көрсетилген талапларын турпайы түрде бузған.

Бул ис ҳәрекети менен пуқара Т.Меңлиев Өзбекстан Республикасы ҳәкимшилик жуўапкершилик ҳаққындағы кодекстиң 131-статьясы 1-бөлими ҳәм 135-статьясы 2-бөлиминдеги көрсетилген ҳуқықбузарлықты ислеген.

Сондай-ақ, пуқара А.Қайпанов «Тақыркөл» АПЖ аймағында 2018-жылдың 19-июль күни өзиниң басқарыўындағы «Нексия» маркалы, мәмлекетлик белгиси 95 L 749 FA болған автомашинасын спиртли ишимлик ишкен мәс ҳалында басқарып киятырғанында ЖҲҚБ хызметкерлери тәрепинен иркилген.

Пуқара А.Қайпанов бул ис ҳәрекети менен Өзбекстан Республикасы ҳәкимшилик жуўапкершилик ҳаққындағы кодекстиң 131-статьясы 1-бөлиминде көрсетилген ҳуқықбузарлықты ислеген.

Солай етип, пуқаралар Т.Меңлиев ҳәм А.Қайпановларға Өзбекстан Республикасы ҳәкимшилик жуўапкершилик ҳаққындағы кодекстиң тийисли статьялары менен жаза тайынланды.

 

Қ.ҚЫПШАҚБАЕВ

Нөкис районы ҳәкимшилик

судының баслығы

 

Дерек: nukus.rk.uz

скачать dle 10.6фильмы бесплатно



  • 4-12-2018, 11:44 |
  • 1 735