Нөкис райондағы теримши қызлар отряды

Үлкемизге гүз пасылы кирип келиўи менен пахта терими де басланды. Жыйын-терим мапазына Нөкис районлылар да белсене кирисип кетти.

Нөкис райондағы теримши қызлар отряды

 

Биз «Саманбай» АПЖ аймағындағы «Садық» фермер хожалығының пахта атызларында болғанымызда аппақ болып ашылған пахта атызларында 40тан аслам теримшилердиң пахта терип жүргениниң гүўасы болдық, деп жазады Нөкис районы ҳәкимлиги сайты. Олардың көпшилиги районлық бәнтликке көмеклесиў орайы тәрепинен жәмәәтшилик жумысқа тартылған пуқаралар болса, айырымлары үйлеринде бос отырған ҳаял-қызлардан ибарат. – Көптен берли жумыссыз едим. Районлық бәнтликке көмеклесиў орайы тәрепинен жәмәәтшилик жумысқа тартылып, пахтаға шықтым. Мен буған жүдә қуўанышлыман. Себеби, шаңарағыма дәрамат киреди, мийнет стажым да есапланады, -дейди «Қумайқус» аўылы турғыны Гүлбәҳәр Керимбаева.

Нөкис райондағы теримши қызлар отряды

 

– Районлық ҳаял-қызлар комитетиниң басламасы менен дүзилген теримши қызлар ортяды қурамында пахта жыйын-теримине келген едим. Түске дейин 55 килограмм пахта тердим. Несип етсе, кешке шекем 100 килограммнан аслам пахта теремен, -дейди «Төктаў» МПЖ турғыны Жақсыбийке Қутлымуратова.

Нөкис райондағы теримши қызлар отряды

 

– Теримши қызлар отряды районымыз аймағындағы жумыссыз ҳаял-қызлардан дүзилген. Бизиң тийкарғы мақсетимиз үйлеринде бос отырған ҳаял-қызларды хошаметлеў арқалы мәўсимлик жумысларға тартыўдан ибарат. Буның ушын биз ҳәр күни алдағы теримшилерге саўғалар берип барамыз. Теримши қызларға терген пахтасының ҳақысы сол күнниң өзинде бериледи. Пахта жыйын-териминиң ақырында мапаз басынан баслап ең көп пахта терген теримшилер баҳалы саўғалар менен сыйлықланады, -дейди район ҳәкиминиң орынбасары, ҳаял-қызлар комитетиниң

баслығы С.Абатова.

Нөкис райондағы теримши қызлар отряды

 

Ҳақыйқатында да, сол күни теримши қызлар 90-100 килограммнан аслам пахта терди. Оларға сол жердиң өзинде терген пахтасының ҳақысы берилип, алдағы теримшилер сыйлықланды.

 

скачать dle 10.6фильмы бесплатно



  • 20-09-2018, 14:26 |
  • 359