Нөкис районда режеден артық өндирилген салық түсимлери қандай мақсетлерге жумсалмақта?

Нөкис районлық Мәмлекетлик салық инспекциясы тәрепинен усы жылдың 5 айы ушын бюджет ҳәм бюджеттен тысқары мақсетли қорларға белгиленген  реже көрсеткишлери 12 млрд 058 млн 400 мың сум белгиленген болса, әмелде 15 млрд 697 млн 300 мың сум яғный 3 млрд 638 млн 900 мың сумға артық өндирилип 130 пайызға орынланды. Усы жылдың 1-июнь ҳалатына район аймағында 48 ҳәрекетсиз турған кәрханалар бар болып, соннан 34 кәрхананың бюджет  ҳәм бюджеттен тысқары мақсетли қорларға 148 млн 285 мың сум қарыздарлығы анықланып өндириў илажлары әмелге асырылмақта. Бул ҳаққында район ҳәкимлиги хабар берди.

Районлық қаржы бөлиминиң рәсмий мағлыўматында артық өндирилген қаржылар есабынан районымыз аймағындағы 11-санлы ҳәм 4-санлы мектепке шекемги билимлендириў мәкемелериниң оңлаў жумысларына 1 млрд 309 млн 264 мың сум, сондай-ақ, 15-санлы мектеп филиалының оңлаў жумысларына 193 млн 244 мың сум, 34-санлы «Өрнек-2» аўыллық шаңарақлық поликлиникасының оңлаў жумысларына 122 млн 583 мың сум, «Абат аўыл» бағдарламасы бойынша абаданластырыў жумысларына 200 млн сум жумсалмақта, деп хабар бермекте.

 

скачать dle 10.6фильмы бесплатно



  • 13-06-2018, 23:05 |
  • 164