Нөкис районда балалардың жазғы дем алыс орайы жумыс баслады

Нөкис районда балалардың жазғы дем алыс орайы жумыс баслады

 

Балалардың жазғы дем алысын кеўилли ҳәм мазмунлы өткериўди тәмийинлеў мақсетинде республикамыз бойлап дем алыў орайлары өз жумысын баслады.

Нөкис районлық ХББ тәрепинен Қутанкөл агроэкономикалық колледжи имаратында быйылғы жылы балалардың күндизги дем алыў орайы шөлкемлестирилди, деп хабар берди район ҳәкимлиги.

8-июнь күни дем алыў орайында 1-мәўсиминиң ашылыў салтанаты болып өтти. Ашылыў мәресимине район ҳәкимлигинен, 4 сектор баслықлары, районлық халық билимлендириў бөлиминен ҳәм Жаслар аўқамы районлық бөлиминен ҳәм бир қатар мәкеме ҳәм шөлкем баслықлары қатнасты. Шығып сөйлеўшилер балалардың жазғы дем алысын кеўилли өткериўи ушын барлық мүмкиншиликлер жаратылғанлығына тоқтап өтти.

Буннан соң районлық Жаслар аўқамы тәрепинен балаларымызға жазғы дем алыс күнлерин орайда кеўилли өткериўи ушын ҳәр түрли спорт буйымлары салтанатлы түрде тапсырылды.

Дем алыс орайының ашылыў салтанаты дем алыўшы балалар ҳәм “Камалак” сәрдарларының атқарыўындағы концерт бағдарламасы менен даўам етти.

скачать dle 10.6фильмы бесплатно



  • 10-06-2018, 13:25 |
  • 195