Мойнақта 350 ҳаял-қызың бәнтлиги тәмийинленеди

Мойнақ районының орайында қурып питкерилген 350 орынға мөлшерленген "Мойнақ парлақ текст" ЖШЖне қарасылы тигиўшилик фабрикасы өз жумысын баслаў алдында тур. Бул ҳаққында район хабаршысы Захида Қалжанова мәлим етти. 

Қурылыс жумыслары усы жылдың февраль айында басланған фабрикаға Кытай ҳәм Туркиядан ең соңғы заманагөй компьютер технологиялары менен ислейтуғын 320 дана тигиў машиналары ҳәм утюглар әкелип орнатылды. Онда  жумыс ислеўши хызметкерлер ушын да барлық шәраятлар жаратылған. Асхана, мәжилислер залы, медицина ханасы ҳәм жуўыныў ханалары усылардың қатарына киреди. Сондай-ақ, хызметкерлердиң кәсиплик маманлығын арттырыўда Наманган ўәлаятынан тәжирийбели қәнигелер бириктириледи. 

Және бир әҳмийетли тәрепи сонда,  ЖШЖ жанынан фабрикада тигилген кийим-кеншеклерди жергиликли халыққа,  сондай-ақ, районға келип-кетиўши туристлерге сатыў ушын арнаўлы дүкан шөлкемлестирилген.

– Фабрика иске қосылыўы менен райондағы жумыссыз, қолында өнери бар бир неше жүзлеген ҳаял-кызларымыздың бәнтлиги тәмийинленеди, – дейди фабрика директоры Ж.Ахмаджанов. – Бунда тийкарынан экспорт мәселесине айрықша итибар қаратқанбыз. Атап айтқанда, фабрикада тигилген көйлек, футболка, куртка ҳәм ветровка сыяқлы басқа да кийим-кеншеклерди Россия, Қазақстан ҳәм Европа мәмлекетлерине экспорт етиў режелестирилген. 

 

Мойнақта 350 ҳаял-қызың бәнтлиги тәмийинленеди

 

Мойнақта 350 ҳаял-қызың бәнтлиги тәмийинленеди

 

Мойнақта 350 ҳаял-қызың бәнтлиги тәмийинленеди

 

Қарақалпақстан Республикасы Министрлер Кеңесиниң Мәлимлеме хызмети

 

скачать dle 10.6фильмы бесплатно



  • 11-07-2019, 09:22 |
  • 195