Мақсет-халық пәрәўанлығын тәмийинлеўге үлес қосыў

Кейинги жылларда республикада азық-аўқат қаўипсизлигин тәмийнлеў, өним ислеп шығарыў көлемин кеңейтиў, базарларды арзан ҳәм сыпатлы балық өнимлери менен толықтырып барыў ҳәм де өнимлер баҳалаларының турақлылығын сақлаўға қаратылған бир қатар мақсетли дәстүрлер қабыл етилмекте.Усы тийкарда Мойнақ  районында да натийжели жумыслар алып барылмақта. 

Мойнақ район аймағына тийисли улыўма майданы 65064 гектар болған жәми 33 табийғый көллерден 13 балықшылыққа қәнигелестирилген хожалық субьектлери балық өнимлерин жетистириў ушын ижара тийкарында  пайдаланып келмекте.

 Президентимиздиң усы жыл 3-февральдағы «2018-жылда балық өнимлерин жетистириў көлемин арттырыў бойынша қосымша илажлар ҳаққында»ғы ПҚ 3505-санлы қарарының орынланыўын тәмийинлеў мәқсетинде район көлеминде жумыслар жедел пәт пенен даўам етпекте.

          Сондай-ақ, районда табийғый ҳәм жасалма суў ҳәўизлердеги бар имканиятлардан нәтийжели пайдаланыўды шөлкемлестириў мақсетинде район хәкимлиги тәрепинен ажыратылған 25 гектар жер орнына жасалма суў ҳәўизлери шөлкемлестирилди ҳәмде 7 жаңадан балықшылық проектлери иске түсирилди. Бул хожалықларға 68,0 мың дана балық шабақларын жетистириў бойынша режелер белгиленип, балық шабақларын «Нөкис балық» кәрханасынан шәртнама тийкарында алып көбейтиў белгиленди.

Тараўда жумыс алып барып атырған исбилерменлик субъектлерди материаллық тәрептен қоллап-қуўатлаў мақсетинде комерциялык банклер тәрепинен  "ORIFJON MADRIMOV" фермер хожалығына, Nazar-Jamil-Kadir   ЖШЖ ҳәм "MUYNOQ AKVA SANOAT" МУК 2017-жыл ажыратылған жәми 1074,4 миллион сум кредит қаржылары тийкарында балықшылық тараўындағы жумысларын кеңейтип, арнаўлы техникалар, әсбап-үскенелер сатып алып, финанс хожалық жумысларын жолға қойыўға ерискен.

Буннан тысқары хожалықлар тәрепинен жасалма суў ҳәўизлериниң түбин тереңлестирип барыў, оларды өз ўақтында суў отларынан тазалап барылғанлығы  себепли өнимдарлық гектарына орташа 30 центнерден асып бармақта.

Кең көлемли әмелге асырылған жумыслар есабына усы жылдың өткен 3 айлығында 260,5 тонна арзан ҳәм сыпатлы бир неше түрдеги балық жетистирилип, 2017-жылдың тийисли дәўирине салыстырғанда 74 тонна көп балық аўланды ҳәм ишки базарға жеткерип берилди.

 Балық өнимлерин нызамсыз түрде сатыў жағдайлары бойынша Мойнақ райони Мәмлекетлик салық инспекциясы хызметкерлери тәрепинен 2018-жыл 1-шерек даўамында өткерилген рейд тексериўлери барысында 2 жағдайда жәми 456,2 мын сумлык 82 килограмлық балық өнимлери иркилип, мәмлекет пайдасына өткерилди.

         Буннан тысқары Өзбекстан Республикасы Министрлер Кабинетиниң 2016-жыл 6-майдағы №124-санлы Қарары ҳәм Мойнақ районы ҳәкиминиң 2016-жыл 14-майдағы 05/303 санлы Қарарына муўапық  «Muynoq akva sanoat» Мәмлекетлик унитар кәрханасы дүзилип оған райондағы жәми 60351,0 гектарлық «Жалтырбас», «Судочье», «Рыбачье», «Мойнак-қолтығы», «Междуречье Куксу», «Арқа Мақпалкўл», «Хожакўл», «Махпалкўл», «Узынқайыр» тәбийғый суў ҳәўизлери балықшылық тараўында жумыс алып барыў ушын барқулла пайдаланыўға берилгенлиги тараўдағы үлкен жетискенликлердиң басламасы болды. Кәрханаға техника ҳәм баска да керекли жиҳазларды алыў ушын АТИБ «Ипотека банк» Қарақалпақстан бөлими тәрепинен 700,0 миллион сумлық кредит ажыратылып, керекли техникалар менен тәмийнлениў, сондай-ақ инкубация цехына реконструкция ислерин алып барыўда үлкен имканият туўдырды. 

         Сондай-ақ , кәрхана 120 адамды жумыс пенен тәмийинлеўге еристи.  

      

 Н.Артыкова

 Мойнақ районы МСИ

 Юридикалық тәреплердиң

 салық ҳәкимшилиги ҳәм

камерал қадағалаў бөлими

 баслығы

 

скачать dle 10.6фильмы бесплатно



  • 16-06-2018, 21:28 |
  • 82