Қараөзек ҳәм Беруний районында бул жылы 520 жаңа жумыс орны жаратылады

Қараөзек ҳәм Беруний районында бул жылы 520 жаңа жумыс орны жаратылады

Өзбекистан Саўда-санаат палатасының Қарақалпақстан Республикасы басқармасы баслығы Хожамурат Қайпназаров «Қарақалпақстан таңы» газетасына берген интервьюында жаңадан иске қосылатуғын завод ҳәм кәрханалар ҳаққында мағлыўмат берген, деп хабар бермекте «KRuz.uz».

Қурылыс материалларын ислеп шығарыў санаатында усы жылы улыўма баҳасы 247 млрд сўмлық 105 жойбардың әмелге асырылыўы нәзерде тутылған. Қараөзек районында усы жылы 2 цемент заводы иске түсириледи. Атап айтқанда, жылына 200 мың тонна өним ислеп шығарыў қуўатына ийе «Титан цемент» кәрханасы жақын күнлер ишинде пайдаланыўға тапсырылады. Қуны 64 млрд сўмды қурайтуғын жойбарға муўапық 200 жумыс орны жаратылады. «Қарақалпақ цемент» кәрханасында да жылына 200 мың тонна қурылыс заты ислеп шығарылады. Жойбар қуны 37 млрд сўм болған кәрханада 120 адам жумыс пенен бәнт болады.

Беруний районындағы «Шаббаз Абат Цемент» кәрханасында жылына 250 мың тонна цемент өнимлери ислеп шығарыў шөлкемлестириледи. 105 млрд сўмлық жойбар әмелге асырылғаннан кейин 200 жаңа жумыс орны ашылады.

- Сондай-ақ, бағдарламада 22 пискен гербиш, 13 щебень, 14 темир бетон өнимлерин ислеп шығарыўды жолға қойыў бойынша жойбарларды әмелге асырыў белгиленген, - дейди Хожамурат Қайпназаров.

Фото: kruz.uz
скачать dle 10.6фильмы бесплатно



  • 18-04-2017, 13:38 |
  • 432