Беруний районы Мәмлекетлик хызметлер орайы жаңа имәратында жумыс баслады

Беруний районы Мәмлекетлик хызметлер орайы жаңа имәратында жумыс баслады

 

Беруний районы Мәмлекетлик хызметлер орайы буннан алдын киши имәратта жайласқан, ханалары ҳәм пуқаралардың күтиў залы да бираз тар еди. Бул болса орайға келиўшилерге хызмет көрсетиўде орай хызметкерлерине де бираз қолайсызлықларды келтирип шығаратуғын еди.

Беруний районы Мәмлекетлик хызметлер орайы жаңа имәратында жумыс баслады

 

540,0 кв.м жерди ийелеген жаңа имәрат район орайында Халықлар дослығы көшеси бойында жайласқан болып, заманагөй қолайлықларға ийе ҳәм ең соңғы ахборат технологиялары қураллары менен тәмийинленген заман талапларына жуўап беретуғын бул имәратта ендиликте халқымыз ушын мәмлекетлик хызметлерди көрсетиўге таярмыз.

Беруний районы Мәмлекетлик хызметлер орайы жаңа имәратында жумыс баслады

 

- Жаңа орай имәратында барлық қолайлықлар жәмлескен. Имәратта дем алыў ханасы, медицина ханасы ҳәмде балалар майданшасы бар. Буннан басқа пуқаралар ушын және бир қолайлық, Әдиллик министрлиги тәрепинен шөлкемлестирилген “Мадад” ҳуқықый мәсләҳәт бюросы усы жердиң өзинде бийпул мәсләҳәтлер берип барады – дийди, Орай бөлим баслығы Қудрат Розимов.

Жаңа имәраттың халық киретуғын жери көркем, барлық қолайлықларға ийе болыўы кереклиги итибарға алынған. Сонлықтан, дизайн орайға келиўшилерге хош-кейпият береди.

Кириў бөлиминде жайласқан күтиў залы кең ҳәм заманагөй көринисте болып, барлық қолайлықлар анық көзге тасланып турады.

Беруний районы Мәмлекетлик хызметлер орайы жаңа имәратында жумыс баслады

 

Буннан басқа да, имаратта электрон нәўбет алыў ушын арнаўлы қурылма орнатылған. Сондай-ақ, қолайлық жаратыў мақсетинде, бул жерде буфет, китабхана арнаўлы касса ҳәмде перзентлери менен келген ата-аналар ушын балалар майданшасы жайласқан. Орайға келиўшилер бийпул WiFi дан пайдаланыў имканыятына да ийе.

Барлық қолайлықларға ийе Орайда 130 дан артық мәмлекетлик хызметлерден пайдаланыў имканыяты жаратылған.

Беруний районы Мәмлекетлик хызметлер орайы жаңа имәратында жумыс баслады

 

Бүгинги күнде Беруний районы Мәмлекетлик хызметлер орайы тәрепинен 130 дан артық түрдеги мәмлекетлик хызметлер көрсетиледи ҳәм усы жылдың өзинде 23000 нан аслам мәмлекетлик хызметлер көрсетилген болса, соннан 185 юридикалық шахслар ҳәм 286 физикалық шахслар исбилерменлик субъекти болып мәмлекетлик дизимнен өткерилди.

Бул өз нәўбетинде пуқаралардың мәмлекетлик хызметлерден пайдаланыўы өткен жылларға салыстырғанда бир қанша көбейгенинен дерек береди. Биз үлкен исеним ҳәм мақтаныш пенен айта аламыз бул көрсеткишлер келеси жыллары буннан да жоқары дәрежеде болады. Себеби барлық қолайлықларға ийе бундай жаңа имәратта пуқараларға буннан да тез, көп ҳәм сыпатлы хызмет көрсете аламыз!!!! 

 

Мәмлекетлик хызметлер агентлиги

Қарақалпақстан Республикасы басқармасы

 

скачать dle 10.6фильмы бесплатно



  • 5-06-2020, 19:01 |
  • 456