Қытай елшиси Әмиўдәрья районында болды

Қытай Халық Республикасының Өзбекстандағы Айрықша ҳәм толық ҳуқықлы елшиси Жианг Ян басшылығындағы бир топар мийманлар Әмиўдәрья районында болды. Бул ҳаққында район ҳәкимлиги хабар бермекте.

Район ҳәкими Султонбой Йўлдашевтың басшылығында мийманлар дәслеп Қытай Халық Республикасының грант қаржысы есабынан алып келинип Әмиўдәрья районына орнатылған үскенениң жумысы менен танысты.

Усы жерде Өзбекстан Республикасы Аўыл хожалығы министрлиги менен Қытай Халық Республикасының кеме қурыў компаниясы арасында 2015-жыл 28-сентябрьде қол қойылған шәртнамаға муўапық грант қаржылары тийкарында Әмиўдәрья районына 2 дана земснаряд ҳәм оған тийисли аўысық бөлеклер алып келингенин атап өтиў орынлы.

Грант қаржылары тийкарында алып келинген усы суў техникалары районның егислик атызларына суў жеткерип беретуғын “Шихжамал”, “Шығыр”, “Ерлан атаў”, “Тас-жап” насос станциялары жайласқан каналларды қазыў жумысларында үлкен әҳмийет ийелейди. Сондай-ақ, районда аўыл хожалығы егинлерин үзликсиз суў менен тәмийинлеў, егислик жерлердиң зүрәәтлилиги менен фермер хожалықларының дәраматларын арттырыўға хызмет етпекте.

Мийманлар соның менен бирге, “Amudaryo tex” шет ел кәрханасында да болып, кәрхана тәрепинен экспортқа шығарылып атырған өнимлер менен танысты.

 

Қытай елшиси Әмиўдәрья районында болды

 

Қытай елшиси Әмиўдәрья районында болды

 

Қытай елшиси Әмиўдәрья районында болды

 

Қарақалпақстан Республикасы Министрлер Кеңесиниң Мәлимлеме хызмети

 

скачать dle 10.6фильмы бесплатно



  • 4-10-2018, 16:29 |
  • 387