Төрткүлде 199 хожалық таза ишимлик суўы менен тәмийинленди

Төрткүлде 199 хожалық таза ишимлик суўы менен тәмийинленди

«Экосан» экология ҳәм саламатлық халық аралық қайырхомлық фондының Қарақалпақстан аймақлық шөлкеми тәрепинен қәўендерлик жәрдем есабында 2017-жыл «Халық пенен пикирлесиў ҳәм инсан мәплери жылы» Мәмлекетлик бағдарламасында белгиленген ўазыйпаларды әмелге асырыў мақсетинде аўыл турғынларын таза ишимлик суўы менен тәмийинлеў жойбарларын әмелге асырыў бойынша жумыслар әмелге асырылды. Яғный:
Төрткүл районындағы «Янгиобод» мәкан пуқаралар жыйыны аймағындағы «Бадамзар» көшеси ҳәм «Дослық» мәкан пуқаралар жыйыны аймағындағы «Пахтакор» көшесине 0,8 км узынлықтағы суў тармағын қайта қурыў ушын ислеп шығылған 70,4 млн сўмлық пилот жойбары май айында толығы менен пайдаланыўға тапсырылды. Нәтийжеде «Янгиобод» мәкан пуқаралар жыйыны аймағында жасаўшы 52 хожалық таза ишимлик суўы менен тәмийинленди.
Буннан тысқары, Төрткүл районындағы «Авиация» мәкан пуқаралар жыйыны аймағындағы «Лалазар» ҳәм «Қурыўшылар» көшелерине 1,5 км узынлықтағы суў тармағын қайта қурыў ушын улыўма баҳасы 84,4 млн сўмлық пилот жойбар ислеп шығылып, бул объект май айында толық пайдаланыўға тапсырылды. Нәтийжеде «Авиация» мәкан пуқаралар жыйыны аймағындағы 147 хожалықтағы 555 адам таза ишимлик суў менен тәмийинленди. Еки жойбар бойынша 2,3 км суў тармағына 154,8 млн сўм сарпланды.

ЭКОСАНИНФОРМ
скачать dle 10.6фильмы бесплатно



  • 22-05-2017, 15:24 |
  • 621