Кем тәмийинленген 54 шаңарақ турақ жай менен тәмийинленди

Кем тәмийинленген 54 шаңарақ турақ жай менен тәмийинленди

 

Усы жылы 12-март күни Тақыятас районында республикамыз бойынша 54 кем тәмийинленген шаңараққа Өзбекстан кәсиплик аўқамлары Федерациясының қәўендерлигинде жаңа турақ жайларды тапсырыў салтанаты болып өтти.

Мәнзилли бағдарлама тийкарында, Қарақалпақстанда 112 шаңарақты жаңа турақ жай менен тәмийинлеў, 560 шаңарақтың турақ жайын оңлап бериў, 192 шаңараққа медициналық хызмет көрсетиў, 3444 шаңарақты электр хожалық буйымлары менен тәмийинлеў нәзерде тутылған. Усы мақсетлер ушын Өзбекстан кәсиплик аўқамлары Федерациясы тәрепинен 18  миллиард 204 миллион сумнан зыят қаржы ажыратылды.

Кем тәмийинленген 54 шаңарақ турақ жай менен тәмийинленди

 

Соннан усы күнге шекем  63 шаңарақ жаңа турақ жай менен тәмийинленген болса,  Төрткүл, Қараөзек, Кегейли районларының ҳәр биринде 5, Нөкис, Хожели, Елликқала районларында бир турақ жайдан жаңадан қурылмақта.  Буннан тысқары, 560 шаңарақтан 504 шаңарақтың турақ жайы оңланып берилди. Қалғанлары жақын күнлерде питкериледи. Сондай-ақ, Өзбекстан Республикасы Министрлер Кабинетиниң 2017-жыл 20-октябрьдеги «Кем тәмийинленген шаңарақларды бәнтлик пенен тәмийинлеў ушын коммерциялық банклер тәрепинен микрокредитлер ажыратыў тәртиби туўралы режени тастыйықлаў ҳаққында»ғы қарары тийкарында 487 шаңараққа 3 миллиард 93,3 миллион сум муғдарында жеңиллетилген кредит берилди. Буның ушын 5 миллиард 241,7 миллион сумдан зыят қаржы ажыратылды. Соның менен бирге, 188  пуқараға  медициналық жәрдем көрсетилген болса, 3444 пуқара электр хожалық буйымлары менен тәмийинленди.

 

 Д.АБИБУЛЛАЕВ,

Қарақалпақстан хабар агентлигиниң шолыўшысы.

скачать dle 10.6фильмы бесплатно



  • 13-03-2019, 12:16 |
  • 692