Нөкис қаласы «Қумбыз аўыл»да 48 жас шаңараққа квартира тапсырылды

Нөкис қаласы «Қумбыз аўыл» мәкан пуқаралар жыйыны аймағында  елимиздиң жәмийетлик турмысында белсене қатнасып атырған гезектеги 48 жас шаңарақ ийелерине өз квартираларын тапсырыў мәресими болып өтти.

Нөкис қаласы «Қумбыз аўыл»да 48 жас шаңараққа квартира тапсырылды

 

Илажда Қарақалпақстан Республикасы Жоқарғы Кеңеси Баслығының орынбасары А.Ҳамраев, Нөкис қаласының ҳәкими П.Төрешов, Өзбекстан Республикасы Жаслар аўқамы баслығының финанс ислери бойынша орынбасары С.Махсудов, Жаслар аўқамы Қарақалпақстан Республикасы Кеңесиниң баслығы А.Данияров ҳәм Ғалаба хабар қуралларының ўәкиллери қатнасты.

Нөкис қаласы «Қумбыз аўыл»да 48 жас шаңараққа квартира тапсырылды

 

Атап өтилгениндей, Өзбекстан Республикасы Министрлер Кабинетиниң 2014-жыл 8-сентябрде қабыл етилген «Елимиздиң жәмийетлик турмысында белсене қатнасып атырған жас шаңарақларды турақ жай менен тәмийинлеўди буннан былай да қоллап-қуўатлаў илажлары ҳаққында»ғы 250-санлы қарары ҳәм Ҳүрметли Президентимиз тәрепинен 2017-жыл 5-июлде қабыл етилген «Жасларға байланыслы мәмлекетлик сыясаттың нәтийжелилигин арттырыў  ҳәм Өзбекстан Жаслар аўқамының жумысын қоллап-қуўатлаў ҳаққында»ғы пәрманына тийкар Республикамыздың белсенди жаслары избе-из турақ жайлар менен тәмийинленип келинбекте.

Нөкис қаласы «Қумбыз аўыл»да 48 жас шаңараққа квартира тапсырылды

 

Бул көп қабатлы турақ жайлар «Қоңырат Строй Стил» жуўапкершилиги шекленген жәмийетиниң қолы гүл қурылысшылары тәрепинен белгиленген мүддетлерде сапалы қурып питкерилди. Турақ жайлар заманагөй турмыслық үскенелер менен тәмийинленген.

Шығып сөйлегенлер тәрепинен жаңа турақ жаңа ийелери қызғын қутлықланып, оларға квартира гилтлери салтанатлы түрде тапсырылды.

– Көркем өнер тараўындағы азы-кем дөретиўшилик мийнетлерим баҳаланып, усы турақ жайға ийе болыў бахты несип еткенинен оғада қуўанышлыман, – дейди Нөкис педагогикалық колледжиниң оқытыўшысы, Өзбекстан көлеминдеги бирнеше таңлаўлардың жеңимпазы Ерисбай бақсы Асқаров. –Бул ушын бәринен бурын, биз жаслардың ғамхоршысы Ҳүрметли Президентимизге, Қарақалпақстан Республикасы Ҳүкиметине, Өзбекстан Республикасы Жаслар аўқамы ҳәм оның Қарақалпақстан Республикасы Кеңесине терең миннетдаршылық билдиремен. Сондай-ақ, бүгинги барлық бахытлы шаңарақлар – теңлеслеримди де жаңа турақ жайға ийе болғаны менен қызғын қутлықлайман. Келешекте бизлерге берилген жоқары исенимди, яғный елимиздиң жәмийетлик турмысында буннан былай да белсенди қатнасыўда күш жигеримизди аямаймыз.

Салтанатлы илаж елимизге белгили көркем өнер хызметкерлериниң концерт бағдарламасы менен даўам етти.

 

Қарақалпақстан Республикасы Министрлер Кеңесиниң Мәлимлеме хызмети

скачать dle 10.6фильмы бесплатно



  • 3-12-2018, 14:09 |
  • 1 081